دژی دواکەوتنی مووچەکانیان کارمەندانی گرێبەست لە میسان گرد دەبنەوە

ئاڤا نیوز

سەدان کارمەندی گرێبەست لەپارێزگای میسان دژی دواکەوتنی مووچەکانیان خۆپیشاندانیان ئەنجامدا و داوای  دەستبەجێ خەرجکردنی شایستە داراییەکانیان کرد. 

چیرۆکی سەرەکی: نزیکەی شەش هەزار فەرمانبەری گرێبەست لەپارێزگای میسان ماوەی زیاتر لە هەشت مانگ لە وادەی دەستبەکاربوونیانەوە تاوەکو ئێستا مووچە و شایستەی داراییان وەرنەگرتووە.

لێدوانی فەرمی: ئەحمەد حەسەن، یەکێک لە لەخۆپیشاندەران بەئاڤا میدیای ڕاگەیاند: زیاتر لە هەشت مانگە بەفەرمی دەستبەکاربوون , سەرەڕای ئەوەی مووچەی هەریەکەیان لە  300 هەزار دینار تێپەڕ ناکات، بەڵام تائێستا هیچ بڕە مووچەیەکیان وەرنەگرتووە.

زانیاریی زیاتر: کارمەندانی گرێبەست لە میسان، ئیدارەی خۆجێیی پارێزگاکە لە دواکەوتنی مووچەکانیان بە بەرپرسیار دەزانن و هەڕەشەی كاردانەوەی زیاتر دەکەن.