وەزیری پەروەردە: بە هیچ شێوەیەک پشت بە مەلزەمەی هیچ مامۆستایەک مەبەستن

ئاڤا نیوز

وەزیری پەروەردەی هەرێمی کوردستان داواکارییەکی لە قوتابییان هەیە و داوا دەکات بە هیچ شێوەیەک پشت بە مەلزەمەی کەس نەبەستن و تەنیا پشت بەو کتێبانە ببەستن کە بۆیان دیاری کراوە.

وێنە گەورەکە: ساڵانە لەگەڵ نزیکبوونەوە لە وەرزی نوێی خوێندن، وەزارەتی پەروەردەی هەرێمی کوردستان، بودجەیەکی گەورە بۆ دووبارە چاپکردنەوەی کتێبی نوێ تەرخان دەکات، سەرەڕای ئەمە بەشێک لە مامۆستایان دەچن کتێبەکە پوخت دەکەنەوە و بە قوتابییانی دەفرۆشن. 

زانیاریی زیاتر: پەیامنێری ئاڤا بەدواداچوونی بۆ ئەم بابەتە کردووە و دەرکەتووە مامۆستا هەیە تەنها لە ڕێگەی ئەم کارەوە نزیکەی سێ دەفتەر دۆلاری دەستکەتووە، ئەمەش ڕێگەیەکی بازرگانی کردنە بەسەر قوتابی هەژار و نەدار. 

لێدوانی فەرمی: د. ئالان حەمە سەعید، وەزیری پەروەردەی هەرێمی کوردستان لەوبارەیەوە بە ئاڤای ڕاگەیاند: بەدواداچوونیان بۆ بابەتەکە کردووە و کەیسەکە دراوە بە لیژنەی یاسایی لە وەزارەتی پەروەردە و ڕای ئێمە وەک وەزارەت ئەوەیە  قووتابیان تەنها پشت بە کتێب ببەستن.