ناوی فڕۆکەخانەی سلێمانی بۆ "فڕۆکەخانەی نێودەوڵەتیی جەلال تاڵەبانی" دەگۆڕدرێت

ئاڤا نیوز

 

لەسەر داوای دامەزراوەی جەلال تاڵەبانی، ناوی فڕۆکەخانەی نێودەوڵەتیی سلێمانی دەگۆڕدرێت بۆ (فڕۆکەخانەی نێودەوڵەتیی جەلال تاڵەبانی)، ئەم بابەتەش ڕەزامەندیی لایەنە پەیوەندیدارەکانی بۆ وەرگیراوە.

 

لێدوانی فەرمی: د. محەممەد سابیر، سەرۆکی دامەزراوەی جەلال تاڵەبانی بە ئاڤا میدیای گوت: گۆڕینی ناوی فڕۆکەخانەی نێودەوڵەتیی سلێمانی بۆ فڕۆکەخانەی نێودەوڵەتیی جەلال تاڵەبانی، ڕەزامەندیی ئەنجوومەنی وەزیرانی عێراق، دەسەڵاتی فڕۆکەوانی مەدەنیی عێراق و وەزارەتی گواستنەوەی بۆ وەرگیراوە و بڕیاری لەسەر دراوە.

 

- ماوەی دوو ساڵە کار لەسەر ئەم بابەتە دەکەین، ئەوەی ئێستا ماوە تەنیا گۆڕینی کۆدی فرۆکەخانەکەیە لەلایەن دەسەڵاتی نێودەوڵەتیی فڕۆکەوانیی مەدەنی ناسراو بە (ICAO).

 

بە تەنیشت ئەم بابەتەوە: وابڕیارە مزگەوتێکی گەورە لە نزیک دەباشان بە ناوی مام جەلال دروست دەکرێت، ئەم مزگەوتە لەلایەن بازرگانێک دروست دەکرێت، هاوکات پەیکەرێکی گەورەی مام جەلال لە سلێمانی دادەنرێت.