وەزارەتی دادی عێراق: زیاتر لە 9 هەزار بەندکراو بە یاسای لێبووردنی گشتی ئازاد کراون

ئاڤا نیوز

وه‌زاره‌تى دادى عێراق ڕایدەگەیێنێت، لە ماوەی جێبەجێکردنی یاسای لێبووردنی گشتییەوە، نزیکەی 9 هەزار 410 بەندکراو لە ناوەندەکانی چاکسازیدا ئازاد کراون، ئەمەش لەچوارچێوەی هەوڵەکانی وەزارەت بۆ جێبەجێکردنی یاساکە و دابینکردنی دادپەروەری دێت.

 

وێنە گەورەکە: لەوکاتەوەی یاسای لێبوردنی گشتیی چووتە باری جێبەجێکردنەوە، تاوەکو ئێستا هەزاران بەندکراو سوودمەن بوون لە یاساکە و ئازاد کراون.

 

ڕاگەیێنراوی فەرمی: بەگوێرەی ڕاگەیێنراوی وەزارەتی داد، ژمارەی ئەو بەندکراوانەی کە یاسای لێبووردنی گشتی گرتوونیەتەوە و ئازاد کراون، لە بەغدا و سەرجەم پارێزگاکان گەیشتووەتە 9 هەزار و 410 کەس.

 

لەهەمان کاتدا: وەزارەتەکە ئاماژەی بەوە کردووە، پرۆسەی ئازادکردنەکە بەرهەمی هەوڵێکی نائاسایی بەڕێوەبەرایەتیی چاکسازیی عێراق و لیژنە یاساییە تایبەتمەندەکانە، بە هەماهەنگی ڕاستەوخۆ لەگەڵ ئەنجوومەنی باڵای دادوەری، بۆ دڵنیابوون لە جێبەجێکردنی بڕیارە دادوەرییەکانی دادگاکانی تایبەتمەند بە وردی و بەپێی یاسای لێبووردنی گشتی.

 

باکگراوند: ڕۆژی 2025-02-18، هەر سێ یاسای لێبوردنی گشتیی و باری کەسیی و گەڕانەوەی موڵک بۆ خاوەنە ڕەسەنەکانیان لە ڕۆژنامەی "وەقائیع" بەفەرمی بڵاوکرایەوە، بەمەش هەر سێ یاساکە کەوتنە باری جێبەجێکردنەوە.