هەژماری من خشتەی دابەشکردنی مووچەی 173 شوێنی بڵاو کردەوە

ئاڤا نیوز

سبەی بە کاش دەست بە دابەشکردنی مووچەی مانگی حەوتی مووچەخۆران دەکرێت، بەڵام ئەمڕۆ دەیان هەزار مووچەخۆر دەتوانن لەڕێگەی "هەژماری من"ـەوە مووچەکانیان وەربگرن.

وێنە گەورەکە: لە دوای ڕێککەوتنی نێوان هەولێر و بەغدا لەبارەی هەناردەکردنەوەی نەوتی کوردستان و ناردنی داهاتی نانەوتی بۆ بەغدا، بەربەستەکانی بەردەم ناردنی مووچەی مووچەخۆران نەماون، بەمەش دوێنێ سێشەممە 30-9-2025، بانکی ناوەندیی عێراق بڕی 956 ملیار و 928 ملیۆن دیناری لەڕێگەی لقی هەولێرەوە بە یەک گوژمە خستە سەر هەژماری وەزارەتی دارایی کوردستان.

ئەوەی پێویستە بیزانیت: هەژماری من لیستی ناوی 173 بەڕێوەبەرایەتیی و فەرمانگەی وەزارەتەکانی پەروەردە، تەندروستی و خوێندنی باڵای بڵاوکردەوە کە ئەمڕۆ دەتوانن مووچەکانیان لەڕێگەی ئامێرەکانی ATMـەوە وەربگرن، بۆ ئەم مانگەش زیاتر لە 500 هەزار مووچەخۆر لە "هەژماری من" مووچە وەردەگرن.

زانیاریی زیاتر: بەپێی خشتەی وەزارەتی دارایی، لە ماوەی سێ ڕۆژدا مووچەی سەرجەم مووچەخۆران دابەش دەکرێت، لیستی مووچەش بە خانەنشینی شارستانی دەستپێدەکات و کۆتا شوێنەکانیش هێزی زێرەڤانی و فەرماندەی بەرگریی فریاکەوتن دەبن. 

لیستی ناوی ئەو شوێنانەی کە ئەمڕۆ مووچە لە ڕێگەی هەژماری من وەردەگرن