حەماس داوای ڕوونکردنەوەی پلانەکەی ترەمپ دەکات

ئاڤا نیوز

حەماس سەرقاڵی تاوتوێکردنی پلانە 20 خاڵییەکەی دۆناڵد ترەمپی سەرۆکی ئەمریکایە بۆ ئاگربەستی غەززە.

چیرۆکی سەرەکی: حەماس داوای لە نێوەندگرە قەتەری و میسرییەکان کردوە کە ڕوونکردنەوەی پێویستیان پێ بدەن سەبارەت بە هەندێک دەستەواژە و بڕگەی ناو پلانەکە.

زانیاریی زیاتر: ترەمپ پلانەکەی پێشکەش کردووە و ئیسرائیل پەسەندی کردووە و چاوەڕێی وەڵامی حەماس دەکات بە پەسەندکردن یان ڕەتکردنەوە، نەک داوای هەموارکردن، لەگەڵ ئەوەشدا ئەگەر ئیسرائیل ڕازی بێت دەکرێت پلانەکە هەموار بکرێت.

زانیاریی بەدەستهاتوو: حەماس داوای کردووە لە بابەتی چەکدانان جیاوازی بکرێت لە نێوان چەکی ‌هێرشبەر و چەکی بەرگری، کە چەکی بەرگری بە گوێرەی یاسای نێودوڵەتی مافێکی گەرەنتیکراوە. حەماس هەروەها داوایکردووە دان بە کۆتاییهاتنی تەواوەتیی شەڕ و نەگەڕانەوەی ئیسرائیل بۆ کەرتی غەززە بنرێت.

ئەمەش بزانە: ترەمپ مۆڵەتێکی سێ تا چوار ڕۆژی بە حەماس داوە تا وەڵامی پلانەکە بداتەوە.