کۆشکی سپی داوا لە ناسا دەکات کاتی ستاندارد بۆ سەر مانگ دابنێت

ئاڤا نیوز

 

کۆشکی سپیی ئەمریکا فەرمانی بە ئاژانسی ناسا کردووە کاتێکی ستانداردی یەکگرتوو بۆ مانگ و هەسارەکانی دیکە دابنێت، ئەمەش لەبەرئەوەیە کە ئەمریکا دەیەوێت ڕێسا نێودەوڵەتییەکان لە بۆشایی ئاسمانیش جێبەجێ بکرێن.

 

وێنە گەورەکە: لە ماوەی ڕابردوودا کێبڕێکی دەوڵەتان و کۆمپانیا تایبەتەکان لە بۆشایی ئاسمان زیادی کردووە. بۆ ڕێکخستنی ئەم کێبڕكێیانە، ئەمریکا هەوڵی دانانی کات و چەسپاندنی یاسا و ڕێسا نێودەوڵەتییەکان لە بۆشایی ئاسمان دەدات. لەم چوارچێوەیەدا بەرپرسی ئۆفیسی سیاسەتی زانست و تەکنۆلۆژیی کۆشکی سپی فەرمانێکی بۆ ئاژانسی ناسا دەرکردووە بە هاوئاهەنگیی لەگەڵ دامەزراوە پەیوەندیدارەکانی دیکە تاوەکو کۆتایی 2026 پلانێکی فراوان بە ناوی 'کاتی مانگیی هاوئاهەنگ' دابڕێژن. 

 

زانیاریی زیاتر: سەبارەت بە چۆنییەتی کاتی سەر مانگ، کێڤین کۆگینس، بەرپرسی پەیوەندی و بەدواداچوونی ناسا، ڕایگەیاندوووە "هەمان ئەو کاتژمێرەی کە ئێمە لەسەر زەوی هەمانە بە ڕێژەیەکی جیاواز بۆ سەر مانگی دەگوازینەوە."

 

ئەوەی پێویستە بیزانیت: کەسێک کە لە سەر مانگ بێت لە ڕۆژێکدا 58.7%ـی مایکرۆچرکەی سەر زەوی لەدەست دەدات.