ده‌ست به‌ دابه‌شكردنى نه‌وتى سپی ده‌كرێت

ئاڤا نیوز

بەر لە هاتنی شەپۆلی سارد و سەرمای وەرزی زستان دابەشكردنی نەوتی سپی لە هەرێمی کوردستان دەستپێدەکات و هەر خێزانێک بڕی 200 لیتر وەردەگرێت. 

چیرۆکی سەرەکی: ساڵانە بەر لەهاتنی وەرزی زستان وەزارەتی سامانە سرووشتییەکانی هەرێمی کوردستان، نەوتی سپی بەنرخی پاڵپشتیکراو بەسەر هاونیشتمانیان دابەش دەکات. 

لێدوانە فەرمییەکان: هەڤاڵ ئەبوبەکر، پارێزگاری سلێمانی لەوبارەیەوە بە ئاڤای ڕاگەیاند: هەر کات نەوتی سپی گەیشتە دەستمان ڕاستەوخۆ لەناوچە شاخاوییەکان دەست بە دابەشکردنی دەکەین. 

ئومێد خۆشناو، پارێزگاری هەولێریش بە ئاڤای ڕاگەیاند: هەر کاتێک وەزارەتی سامانە سرووشتییەکان رێنمای بۆ ناردین دەست بە دابەشکردنی نەوتی سپی دەکەین. 

زانیاریی زیاتر: هەولێر 105 ملیۆن لیتر نەوتی سپی بۆ تەرخان دەکرێت، زاخۆ و دهۆک 58 ملیۆن لیتر و هەڵەبجە و سلێمانی و گەرمیان و ڕاپەڕین 59 ملیۆن لیتر.