وەزارەتی ناوخۆ دوا مۆڵەت بە کۆمپانیاکانی دیلیڤەری دەدات

ئاڤا نیوز

وەزارەتی ناوخۆی هەرێمی کوردستان کۆتا مۆڵەت بە کۆمپانیاکانی دلیڤەری دەدات دەبێت تاوەکو ئەمساڵ خۆیان تۆمار بکەن، چونکە لە دوای ئەو بەروارەوە هەر ماتۆڕێک تۆمار نەکرابێت دەستی بەسەردا دەگیرێت.

لێدوانی فەرمی: د. هێمن میرانی، بەڕێوەبەری گشتیی دیوانی وەزارەتی ناوخۆ دەڵێت: دوو تا سێ کۆبوونەوەمان لەگەڵ کۆمپانیاکانی دلیڤەری کردووە و تا ڕۆژی 1-1-2026 هەر ماتۆڕێکی دلیڤەری تۆمار نەکرابێت و شۆفێرەکەی مەرجی سەلامەتی نەبێت، پۆلیسی هاتووچۆ دەستی بەسەردا دەگرێت.

زانیاریی زیاتر: ئێستا بەشێکی زۆر کۆمپانیاکان خۆیان تۆمار کردووە و زیاتر لە هەزار ماتۆڕسکیل تۆمار کراون و پێویستە تاوەکو سەری ساڵ هەموویان تۆمار بکرێن.