خۆپیشاندانی لاوانی مەغریب بەردەوامە

ئاڤا نیوز

خۆپیشاندانی لاوانی مەغریبی کە بە (Gen Z 212) یان نەوەی زێد ناسراون، بەردەوامە و حکومەتیش بەڵێنی چاکسازییان پێدەدات.

چیرۆکی سەرەکی: خۆپیشاندانەکان لە ڕەباتی پایتەختەوە دەستیان پێکرد و بە شارەکانی دیکەدا بڵاو بووەتەوە. خۆپیشاندەران بە زۆری لە ڕێگەی تۆڕە کۆمەڵایەتییەکانی وەک تیکتۆک و ئینستاگرام و دیسکۆردەوە چالاکییەکانیان ڕێک دەخەن.

زانیاریی زیاتر: تا ئیستا لانیکەم سێ کەس لەم خۆپیشاندانانەدا کوژراون، 280 کەس بریندارن و 400 کەسیش دەستگیر کراون.

ئەمەش بزانە: جێن زێت ئەو نەوەیەیە کە لە نێوان ساڵانی 1997-2012 لەدایک بوون. داوای مافەکانیان دەکەن و دەڵێن پێویستە لە ناو حکومەتدا نوێنەرایەتی بکرێن. ئەوان هەروەها داوای چاکسازی لە بوارەکانی پەروەردە و تەندروستیدا دەکەن.  

لەلایەکی دیکەوە: خۆپیشاندانی هاوشێوە لە چەند وڵاتێکی دیکەی ئەفریقا وەک کینیا و ماداگاسکار دەستیپێکردووە. پێشتریش خۆپیشاندانی هاوشێوە لە نیپاڵ هەبوو کە بەهۆیەوە حکومەتی ئەو وڵاتە ڕووخا و حکومەتێکی نوێ پێکهات.