شارەکانی چین بە کامێرای ژیریی دەستکرد چاودێری دەکرێن

ئاڤا نیوز

لە شاری هۆنگ کۆنگی چین پلان دانراوە دەیان هەزار کامێرای چاودێری لەگەڵ تەکنەلۆژیای ناسینەوەی دەموچاو، کە بە ژیریی دەستکرد کاردەکەن دابنرێن. 
 
چیرۆکی سەرەکی: ئێستا لە شاری هۆنگ کۆنگ، نزیکەی چوار هەزار کامێرای چاودێری هەیە لە چوارچێوەی پرۆگرامی پۆلیس بۆ بەرەنگاربوونەوەی تاوان.

زانیاریی زیاتر: بەپێی بەڵگەنامە پێشکەشکراوەکان بە پەرلەمان، ژمارەی ئەم کامێرانە تا ساڵی 2028 زیاتر لە 10 هێندە زیاد دەکات و دەگاتە 60 هەزار کامێرا.

لێدوانی فەرمی: کرس تانگ، بەرپرسی ئاسایشی شاری هۆنگ کۆنگ، ڕایگەیاند، ژیریی دەستکرد لە ئێستاوە بۆ چاودێریکردنی قەرەباڵغی و خوێندنەوەی تابلۆی ئۆتۆمبێل بەکاردێت و ئەم تەکنەلۆژیایە بە شێوەیەکی دیکە بۆ خەڵکیش بەکاردێت، وەک بەدواداچوون بۆ دۆزینەوەی گومانلێکراوەکان دوای ڕوودانی تاوان.