ترەمپ و ئەردۆغان لەبارەی وەستانی جەنگ لە غەززە بە تەلەفۆن گفتووگۆ دەکەن

ئاڤا نیوز

لە پەیوەندییەکی تەلەفۆنیدا سەرۆکانی ئەمریکا و تورکیا باسیان لە بەهێزکردنی پەیوەندییەکانیان و هەوڵەکان بۆ کۆتاییهێنان بە جەنگی غەززە کرد، سەرۆکایەتی تورکیا دەڵێت، پەیوەندییەکە لەسەر داواکاری لایەنێکی دیکە بووە.

چیرۆکی سەرەکی: ئەمڕۆ هەینی 2025-10-03، لە پەویەندییەکی تەلەفۆنیدا هەریەکە لە دۆناڵد ترەمپ، سەرۆکی ئەمریکا و ڕەجەب تەیب ئەردۆغان، سەرۆککۆماری تورکیا جگە لە بەهێزکردنی پەیوەندییەکانیان، باسیان لە وەستاندنی جەنگ لە غەززە کرد.

لێدوانی فەرمی: ڕەجەب تەیب ئەردۆغان، سەرۆککۆماری تورکیا لە پەیوەندییە تەلەفۆنییەکەیدا بە ترەمپی ڕاگەیاند، تورکیا هەوڵێکی چڕوپڕ دەدات بۆ دڵنیابوون لە هێنانەدی ئاشتی و ئارامی لە سەرانسەری ناوچەکەدا، بەتایبەتی لە غەززە،  پێشوازی لە دەستپێشخەرییەکان دەکات کە ئامانجیان گەیشتن بەم ئامانجەیە.

لە بەشێکی دیکەی پەیوەندییەکە، ئەردۆگان لەگەڵ ترەمپ باسی ئەمانەشی کردووە:

٠ جەخت لەسەر خێراکردنی هەوڵە دیپلۆماسییەکانی تورکیا بۆ ئاشتی دەکەینەوە، ئەنقەرە بەردەوام دەبێت لە بەشداریکردن لە پڕۆسەی ئاشتی لە ناوچەکەدا.

٠ وەستاندنی هێرشەکانی ئیسرائیل بۆ سەرکەوتنی هەوڵەکانی ئاشتی لە ناوچەکەدا زۆر گرنگە.

٠ سەردانەکەم بۆ واشنتن پەیوەندییە دووقۆڵییەکانی بەهێزتر کرد و جەخت لەسەر زیادکردنی هاوکارییەکانی نێوانمان لە هەموو لایەنەکانەوە دەکەمەوە، بەتایبەتی لە بواری پیشەسازی بەرگریدا.

باکگراوند: ڕۆژی 2025-09-25 ترەمپ و ئەردۆگان لە کۆشکی سپی دوای چەندین ساڵ کۆبوونەوە.