سەرۆک و سەرکردەی وڵاتان پێشوازی لە وەڵامی حەماس دەکەن

ئاڤا نیوز

دوای ڕازیبوونی حەماس بە پلانەکەی دۆناڵد ترەمپ بۆ ئاشتی،  وڵاتان پێشوازی لە وەڵامە ئەرێنییەکەی دەکەن و جەخت لەوە دەکەنەوە ئەمە هەنگاوێکە بۆ بەدیهێنانی ئاشتی بۆ ناوچەکە.
 

چیڕۆکی سەرەکی: شەڕی غەززە لە دووەم ساڵی نزیکدەبێتەوە و هەوڵەکانی ئەمریکا بۆ ڕاگرتنی شەڕەکە توانی سەرکەوتن بەدەستبهێنێت و پلانی ئاشتیی ترەمپ کە ناسراوە بە "پلانی 20 خاڵ''ـی وەک گرنگترین هەوڵ تا ئێستا بۆ کۆتاییهێنان بە جەنگەکە سەیر دەکرێت هەر یەکە لە ئیسرائیل و بزووتنەوەی حەماس ڕازی بوون بە پلانەکە 

کاردانەوەکان بەم شێوەیەن: 

ئیمانوێل ماکرۆن، سەرۆکی فەرەنسا: حەماس ئازادکردنی هەموو بارمتەکان و ئاگربەست لە غەززە لە دەستدایە! دەبێت بەدواداچوون بۆ پابەندبوونی حەماس بکرێت.

جۆرجیا مێلۆنی، سەرۆکوەزیرانی ئیتاڵیا: ئێستا دەبێت کاری پێشینەی هەمووان گەیشتن بە ئاگربەستێک بێت کە ببێتە هۆی ئازادکردنی دەستبەجێی سەرجەم بارمتەکان

مارک کارنی، سەرۆکوەزیرانی کەنەدا: هانی هەموو لایەنەکان دەدەین دەستبەجێ کاربکەن بۆ گۆڕینی بەڵێنەکان بۆ ڕاستی

ئەنتۆنیۆ گۆتێرێس، سکرتێری گشتی نەتەوەیەکگرتووەکان: داوا لە هەموو لایەنەکان دەکەم کە دەرفەتەکە بقۆزنەوە بۆ کۆتاییهێنان بە ململانێ دڵتەزێنەکەی غەززە

ڕەجەب تەیب ئەردۆغان، سەرۆککۆماری تورکیا : وەڵامی حەماس بۆ پلانی دامەزراندنی ئاگربەست لە غەززە هەنگاوێکی بوونیادنەرە و ئاراستەیەکی گرنگە بۆ گەیشتن بە ئاشتییەکی بەردەوام
 
فریدریش مێرز ، ڕاوێژکاری ئەڵمانیا :دوای نزیکەی دوو ساڵ، ئەمە باشترین دەرفەتە بۆ ئاشتی