ئەمریکا  دوو هەزار و 500 دۆلار دەداتە کۆچبەرانی منداڵ تا ئەمریکا بەجێبهێڵن

ئاڤا نیوز

ئیدارەی ترەمپ دوو هەزار و 500 دۆلار دەدات بەو منداڵە کۆچبەرانەی کە دەیانەوێت بە خواستی خۆیان ئەمریکا بەجێ بهێڵن.

چیرۆکی سەرەکی: بەگوێرەی نامەیەک کە لەلایەن دامەزراوەکانی کۆچی سەر بە وەزارەتی ئاسایشی ناوخۆی ئەمریکاوە ئاراستەی ناوەندەکانی کۆچبەران کراوە بڕی دوو هەزار و 500 دۆلار بە یەک گوژمە دەدرێت بەو منداڵە کۆچبەرانەی کە بێ کەس و کاریان چوونەتە ئەمریکا، تا بگەڕێنەوە وڵاتی خۆیان و لەوێ بتوانن جارێکی دیکە نیشتەجێ ببنەوە و سوود لە پارەکە ببینن.

زانیاریی زیاتر: بە گوێرەی یاسای فیدراڵیی ئەمریکا، ئەو منداڵە کۆچبەرانەی کە بە بێ دایک و باوک یان سەرپەرشتیاری یاسایی لە سنوورەکان دەپەڕنەوە وەک منداڵی بێ سەرپەرشت دەناسێنرێن و لە شێڵتەرە فیدراڵییەکان گل دەدرێنەوە.

ئەمەش بزانە: ئیدارەی ترەمپ بڕی 250 ملیۆن دۆلاری بۆ دەرکردنی خۆخوازانەی کۆچبەران تەرخان کردووە و ئەو کۆچبەرانەی کە بیانەوێت لە ئەمریکا دەرچن بڕی هەزار دۆلاریان پێدەدرێت.