لە خورماتوو کەسێک لە جیاتی دوژمنەکەی کەسێکی بێتاوان دەکوژێت

ئاڤا نیوز

بەهۆی بوونی کێشەیەکی دوژمنداری و بە مەبەستی تۆڵەکردنەوە، پێش نیوەڕۆی ئەمڕۆ شەممە لە نێو بازاڕی قەزای دووزخورماتوو، گەنجێک بە هەڕەمەکی تەقە دەکات، لە ئەنجامدا کەسێک کوژرا و دوو کەسیش بریندار بوون، کە یەکێکیان پەیوەندی بە کێشەکەوە هەبوو.

زانیاریی بەدەستهاتوو: سەرچاوەیەک لە پۆلیسی دووزخورماتوو بە ئاڤای وت، بەپێی لێکۆڵینەوەکانیان دەرکەوتووە ، ڕووداوەکە پەیوەندی بە دوژمنداری نێو بنەماڵەیەکەوە هەیە، کە ماوەیەک لە بەر لە ئێستا کوشتن لە لایەنی بکوژەکە هەبووە.

زانیاریی زیاتر: هەر بەوتەی پۆلیس،  دوو لە بریندارەکان کە کوردن، یەکێکیان ئامۆزای بوەو ئەو کەسەی کوژراوە پیشەی مامۆستا بووەو  لە نەتەوەی عەرەبە، هیچ پەیوەندییەکی بە ڕووداوەکە نەبووە.

بکوژ دوای ڕووداوەکە، بەرەو کەرکووک هەڵاتووە، پۆلیس هەر زوو زانیاری پێشوەختەی وەرگرتووە، کە چووەتە ماڵی خزمێکی لە گەڕەکی شۆریجە هەر زوو گەیشتنە شوێنەکە و دەستگیر کرا.

دوای لێکۆڵینەوە، بکوژ دانی بە تاوانەکەیدا ناوە و وتویەتی ڕووداوەکە دوژمنداریە و ئامانجەکەی ئامۆزای خۆی بووە.