گرووپە فەڵەستینییەکان پێشوازیی لە ڕەزامەندی "حەماس" بۆ ئاگربەست دەکەن

ئاڤا نیوز

گرووپە چەکدارەکانی مقاوەمەی فەڵەستینی پێشوازییان لە پەسەندکردنی پلانی ئاشتی دۆناڵد ترەمپ، سەرۆکی ئەمریکا بۆ غەززە لەلایەن بزووتنەوەی حەماسەوە کرد و بە "هەڵوێستێکی نیشتمانی بەرپرسیارانە" وەسفیان کرد.

چیرۆکی سەرەکی: ئێوارەی ڕۆژی هەینی، حەماس ڕێککەوتنی خۆی بۆ ئازادکردنی سەرجەم زیندانیانی ئیسرائیلی و ڕادەستکردنی کەرتی غەززە بە دەسەڵاتێکی سەربەخۆی فەڵەستینی ڕاگەیاند، هاوکات پاراستنی مافەکانی گەلی فەڵەستین، لەسەر بنەمای پشتیوانیی وڵاتانی عەرەبی و ئیسلامی.

ڕاگەیێنراوی فەرمی: لایەن فەڵەستینییەکان لەوانەش بزووتنەوەی جهیادی ئیسلامی و بەرەی گەلی ئازادکردنی فەڵەستین لە ڕاگەیێنراوێکدا، داوای تەواوکردنی هەموو هەنگاو و ڕێوشوێنەکانیان کرد لە لایەن هەموو لایەنەکانەوە و ستایشی هەڵوێستی عەرەبی و ئیسلامی و نێوەندگیریی میسری و قەتەری و هەوڵەکانی تورکیایان لەم ڕووەوە کرد.

زانیاریی زیاتر: لایەنە فەڵەستینییەکان جەختیان لە پێویستی دەسەڵاتی فەڵەستین کردەوە بۆ جێبەجێکردنی ئەرکەکانی خۆی، لەوانە ئەنجامدانی کۆبوونەوەیەکی نیشتمانیی بەپەلە بۆ تاوتوێکردنی میکانیزمەکانی جێبەجێکردنی ئیدارەی کەرتی غەززە لەلایەن دەستەیەکی سەربەخۆی فەڵەستینی و تاوتوێکردنی پرسە نیشتمانییەکان لەم قۆناغە گرینگەدا.