نەتانیاهۆ: لە ناوەوە و دەرەوەی ئیسرائیل گوشارێکی زۆر هەبوون بۆ ڕاگرتنی جەنگ

ئاڤا نیوز

سەرۆکوەزیرانی ئیسرائیل هیوادارە لە چەند ڕۆژی داهاتوودا بارمتەکان ئازاد بکرێن، دەشڵێت، حەماس لەژێر گوشاردا پلانەکەی ترەمپی قبووڵ کردووە.

چیرۆکی سەرەکی: بەپێی پلانی ترەمپ بۆ ئاشتی، ئیسرائیل و حەماس دانوستانەکانیان لە میسر دەستپێدەکەن و بڕیارە سەرەتا گفتوگۆ لەسەر ئازادکردنی بارمتە و دیلەکانی هەردوولا بکرێت.

لێدوانی فەرمی: بنیامین نەتانیاهۆ، سەرۆکوەزیرانی ئیسرائیل ڕایگەیاند، هیوادارم لە چەند ڕۆژی داهاتوودا بارمتەکان ئازادبکرێن و بگەڕێنەوە بۆ ماڵەکانیان.

هەموو بارمتە زیندوو و مردووەکان دەگەڕێننەوە و هێزەکانیشمان لە قووڵایی غەززە دەمێننەوە.

لە بەشێکی دیکەی قسەکانیدا نەتانیاهۆ ئەمانەشی وت:

٠ لە ناوەوە و دەرەوەی ئیسرائیل گوشارێکی زۆر هەبوون بۆ کۆتاییهێنان بە جەنگ.

٠ گوشارە سەربازی و دیپلۆماسییەکان وایانکرد حەماس ڕازی ببێت بە ئازادکردنی بارمتەکان.

٠ شاندی ئیسرائیلم ڕاسپاردووە تەنیا چەند ڕۆژێک دانوستان لەگەڵ حەماسدا بکەن.

٠ بە ڕێککەوتن یان بە چالاکی سەربازی بێت حەماس چەکەکانیان دادەنێن.

٠ سوپاسی ترەمپ دەکەم کە لەم هەنگاوە مـێژوویەدا هاوکارم بووە.