لە مانگێکدا 100 هەزار ئاوارە بۆ سووریا دەگەڕێنەوە

ئاڤا نیوز

 

دەستەی دەروازە سنوورییەکانی سووریا دەڵێت، مانگی ڕابردوو 100 هەزار ئاوارە بۆ سووریا گەڕاونەتەوە، لە مانگی 12ی ساڵی ڕابردووشەوە زیاتر لە ملیۆنێک ئاوارەی سووری بۆ وڵاتەکەیان گەڕاونەتەوە.

وێنە گەورەکە: بەهۆی شەڕی ناوخۆی سووریاوە زیاتر لە 13 ملیۆن کەس لەناوخۆ و دەرەوە ئاوارەبوون، لەو ژمارەیەش تائێستا نزیکەی سێ ملیۆن کەس بۆسەر ماڵی و شوێنی خۆیان گەڕاونەتەوە.

ڕاگەیێنراوی فەرمی: دەستەی دەروازە سنوورییەکانی سووریا بڵاویکردەوە، لە مانگی ئەیلوولدا 100 هەزار ئاوارە بۆ سووریا گەڕاونەتەوە و ئەوانیش هەموو کارئاسانییەکیان بۆ گەڕانەوەیان کردووە.

لەلایەکی دیکەوە: سیلین شمیت، وتەبێژی ئەنجوومەنی باڵای نەتەوە یەکگرتووەکانیش بۆ کاروباری پەنابەران ڕایگەیاند، لە مانگی 12ی ساڵی 2024وە، ملیۆنێک ئاوارە لە دەرەوە و 1.8 ملیۆن ئاوارەی ناوخۆش بۆ سەر ماڵ و حاڵی خۆیان گەڕاونەتەوە.