عەلی حوسێن: نزیکبوونەوەی باش لەنێوان پارتی و یەکێتی هەیە

ئاڤا نیوز

ئەندامێکی مەکتەبی سیاسیی پارتی دیموکراتی کوردستان ڕایگەیاند، لە دواین دانیشتنی نێوان پارتی و یەکێتی نزیکبوونەوە و لێکتێگەیشتنی باش بۆ پێکهێنای حکومەت هەبووە.

وێنە گەورەکە: دوای دووجار کۆبوونەوەی باڵای نێوان پارتی دیموکراتی کوردستان و یەکێتیی نیشتمانیی کوردستان لە پیرمام، هەوڵەکان بۆ پێکهێنانی کابینەی دەیەمی حکومەتی هەرێمی کوردستان چڕتر کراونەتەوە.

لێدوانی فەرمی: عەلی حوسێن، ئەندامی مەکتەبی سیاسیی پارتی دیموکراتی کوردستان، بە ئاڤا میدیای ڕاگەیاند: هەنگاوەکان بۆ کۆبوونەوەی پەرلەمان و پێکهێنانی کابینەی نوێ باش ڕۆیشتوونەتە پێش.

ئەندامەکەی مەکتەبی سیاسیی پارتی دەڵێت: لیژنەیەکی گفتوگۆ لە نێوان پارتی و یەکێتی هەیە، لە دواین کۆبوونەوەی هەردوولادا نزیکبوونەوە و ڕاگۆڕینەوەی باش هەبووە، بەڵام 100٪ نییە چونکە بابەتی بانگەشەی هەڵبژاردن کاریگەری لەسەر بابەتەکە دەبێت.

باکگراوند: لە ڕۆژی 20-10-2024، هەڵبژاردنی پەرلەمانی کوردستان بەڕێوەچوو، پارتی دیموکراتی کوردستان توانی 39 کورسی بەدەستبهێنێت و ببێتە براوەی یەکەمی هەڵبژاردن.