کورسییەکانی پەرلەمانی عێراق چۆن بەسەر پارێزگاکان دابەش کراون؟

ئاڤا نیوز

کۆمیسیۆنی هەڵبژاردنەکان 329 کورسیی پەرلەمانی عێراقی بەسەر پارێزگاکان بەپێی ڕێژەی دانیشتوان دابەش کردووە کە هەر کورسییەک بۆ 100هەزار دەنگدەر تەرخان کراوە.

وێنە گەورەکە: ڕۆژی 2025-11-11 هەڵبژاردنی خولی شەشەمی پەرلەمانی عێراق بەڕێوەدەچێت، حەوت هەزار و 768 کاندید کێبڕکێ لەسەر 329 کورسییەکەی پەرلەمان دەکەن و نۆ کورسیی پەرلەمان بۆ کۆتای پێکهاتەکان تەرخان کراون.

ژمارەکان وا دەڵێن: بەگوێرەی کۆمیسیۆنی باڵای سەربەخۆی هەڵبژاردنەکانی عێراق، 329 کورسییەکەی پەرلەمان بەمشێوەیە بەسەر 18 پارێزگاکەی عێراق و هەرێمی کوردستان دابەشکراون و هەر پارێزگایەک بازنەیەکی هەڵبژاردنە:

دهۆک: 11
کۆتای ژنان: 3

سلێمانی: 18
کۆتای ژنان: 5

هەولێر: 15
کۆتای ژنان: 4

کەرکووک: 12
کۆتای ژنان: 3

نەینەوا: 31
کۆتای ژنان: 8

سەڵاحەددین: 12
کۆتای ژنان: 3

دیالە: 14
کۆتای ژنان: 4

بەغدا: 69 
کۆتای ژنان: 17

بەسرە: 25
کۆتای ژنان: 6

زیقار: 19
کۆتای ژنان: 5

بابل: 17
کۆتای ژنان: 4

ئەنبار: 15
کۆتای ژنان: 4

نەجەف: 12
کۆتای ژنان: 3

واست: 11
کۆتای ژنان: 3

دیوانیە: 11
کۆتای ژنان: 3

میسان: 10
کۆتای ژنان: 3

کەربەلا: 11
کۆتای ژنان: 3

موسەننا: 7
کۆتای ژنان: 2

زانیاریی زیاتر: پێکهاتەکانی کوردانی فەیلی، کوردانی ئێزدی، شەبەک، کریستیان و سابیئەی مەندائی نۆ کورسیی کۆتایان بۆ دیاریکراوە و بۆ پێکهاتەکان هەموو عێراق یەک بازنەیە و بەمشێوەیە کورسییەکان دابەش کراون:

٠ پێنج کورسی بۆ کۆتای کریستیان لە پارێزگاکانی؛ هەولێر، دهۆک، نەینەوا، کەرکووک و بەغدا.

٠ یەک کورسیی بۆ کۆتای کوردانی ئێزدی لە پارێزگای نەینەوا تەرخان کراوە.

٠ سابیئەی مەندائی یەک کورسییان لە بەغدا بۆ دانراوە.

٠ پێکهاتەی شەبەک یەک کورسییان لە نەینەوا بۆ دانراوە.

٠ کوردانی فەیلی مافی یەک کورسیی کۆتایان لە پارێزگای واست پێدراوە.