لەنگەی هەولێر بەشێوازێکی مۆدێرن ڕێکدەخرێتەوە

ئاڤا نیوز

سەرۆکایەتی شارەوانی هەولێر لەپێناو گۆڕینی سیمای بازاڕی لەنگەی هەولێر، کاری نۆژەنکردنەوەی بۆ دەکات و عارەبانە و مێزەکانی دیوی شەقامی 100 مەتری هەڵدەگیرێن.

وێنە گەورەکە: لەماوەی ساڵی ڕابردوو دووجار بازاڕی لەنگەی هەولێر گڕی گرت، بەهۆیەوە زیانێکی زۆر بە کاسبکارانی بازاڕەکە کەوت، حکومەتی هەرێمی کوردستان نۆژەنکرایەوە و زیانلێکەوتووان قەرەبوو کرانەوە، ئێستا شارەوانی هەولێر کار لەسەر جوانترکردنی سیمای بازاڕەکە و کەمکردنەوەی جەنجاڵی لەسەر شەقامەکە دەکات.

لێدوانی فەرمی: کارزان عەبدولهادی، سەرۆکی شارەوانی هەولێر بە ئاڤای گوت، "کەپرێکی گەورە بۆ عارەبانچی و مێزەکان دروستدەکرێت و هەمووان لەژێر ئەو کەپرە کۆدەکرێنەوە، ماوەی تەواوبوونی پڕۆژەکەش مانگێک دەخایەنێت."

ئەمەش بزانە: تێچووی پڕۆەکە 144 ملیۆن دینارە و لەسەر داهاتی 15%ـی سەرۆکایەتی شارەوانی هەولێر جێبەجێ دەکرێت.