حکومەتی نوێی فەرەنسا پێکهێنرا

ئاڤا نیوز

کابینەی نوێی حکومەتی فەرەنسا پێکهێنرا کە لە 18 وەزیر پێکهاتووە، چەپڕەوەکانی فەرەنساش هەڕەشەی لێسەندنەوەی متمانە لە سەرۆکوەزیرانی نوێی وڵاتەکە دەکەن.

ڕاگەیێنراوی فەرمی: سەرۆکایەتی فەرەنسا کابینەی نوێی حکومەتی وڵاتەکەی ئاشکراکرد، سیباستیان لێکۆرنو سەرۆکایەتی کابینەکە دەکات و وەک سەرۆکوەزیرانی دەستبەکار دەبێت و کابینەکەی لە 18 وەزیر پێکهاتووە.

زانیاریی زیاتر: برۆنۆ لۆمایر، وەزیری پێشووی ئابووری فەرەنسا وەک وەزیری هێزە چەکدارەکان دەستبەکار دەبێت، هاوکات زۆرێک لە وەزیرەکان دووبارە پۆستیان پێدەدرێت، لەوانە ژان نۆئێل بارۆ وەک وەزیری دەرەوە و برۆنۆ ڕیتایلۆ وەک وەزیری ناوخۆ، ماکرۆنیست ڕۆلاند لێسکور وەک وەزیری ئابووری و دارایی دەستنیشانکراونەتەوە.

ئەوەی پێویستە بیزانیت: چەندین لایەنی چەپڕەوی فەرەنسا هەڕەشەی لێسەندنەوەی متمانەیان لە سیباستیان لێکۆرنو، سەرۆکوەزیرانە نوێیەکەی فەرەنسا کردووە.