ئەمڕۆ شاندی دانوستانکاری حەماس و ئیسرائیل لە میسر کۆ دەبنەوە

ئاڤا نیوز

ڕۆژی یەکشەممە، شاندێکی بزووتنەوەی حەماس بە سەرۆکایەتیی خەلیل حەیە، سەرۆکی حەماس لە کەرتی غەززە گەیشتە میسر بۆ دانوستان سەبارەت پلانی ئاگربەست.

وێنە گەورەکە: فەڵەستینییەکان و ئیسرائیل لەسەر پلانەکەی ترمپ بۆ ڕاگرتنی جەنگ و ڕێککەوتنی ئاشتی ڕازیبوون، هەردوولا لەڕێگەی میسر، قەتەر و ئەمریکا دانوستان لەبارەی وردەکارییەکانی پلانەکە دەکەن لەپێناو گەیشتن بە ڕێککەوتنی کۆتایی.

ڕاگەیێنراوی فەرمی: بەگوێرەی ڕاگەیێندراوێکی حەماس، بزووتنەوەکە خۆی ئامادە دەکات بۆ دەستپێکردنی دانوستان لەسەر میکانیزمەکانی ئاگربەست و کشانەوەی هێزەکانی ئیسرائیل لە غەززە و ئاڵوگۆڕی بارمتە و زیندانییەکان.

زانیاریی زیاتر: ئەمڕۆ دووشەممە، میسر میوانداری شاندەکانی ئیسرائیل و حەماس دەکات بۆ تاوتوێکردنی بارودۆخی زەمینی و وردەکارییەکانی ئاڵوگۆڕی بارمتە و زیندانییەکان، بە پێی پێشنیازی دۆناڵد ترەمپ، سەرۆکی ئەمریکا.

لەلایەکی دیکەوە: ترەمپ ڕایگەیاند، ڕێککەوتنی غەززە " ڕێککەوتنێکی گەورەیە بۆ ئیسرائیل و جیهانی عەرەبی و هەموو جیهان"، جەختیشی کردەوە کە دانوستانەکان لەسەر ڕێککەوتنەکە زۆر بە باشی بەرەوپێش دەچن.