ئیسرائیل ڕێگری دەکات لە گەڕانەوەی فەڵەستینییەکان بۆ غەززە

ئاڤا نیوز

ئەمریکا پلانێکی 20 خاڵی بۆ کۆتاییهێنان بە جەنگی نێوان حەماس و ئیسرائیل داڕشتووە و هەردوو لایەن پلانەکەیان پەسەندکردووە، بەڵام ڕێگرییەکانی سوپای ئیسرائیل لە گەڕانەوەی فەڵەستینییەکان بۆ غەززە بەردەوامە.

وێنە گەورەکە: دوو ساڵ تێپەڕ دەبێت بەسەر هێرشی حەماس بۆ سەر کۆمەڵگەیەکی جوونیشین. دواتر هێرشی ئیسرائیل بۆ سەر کەرتی غەززەی لێکەوتەوە. بە هەزاران کەس کوژران و بریندار بوون و بە هەزارانی دیکەش ئاوارە بوون.

بڵاوکراوەی فەرمی: ماڵپەڕی کلاش ڕیپۆرت چەند دیمەنێکی بڵاوکردووەتەوە کە فەڵەستینییە ئاوارەبووەکان نیازی گەڕانەوەیان هەبووە بۆ غەززە، بەڵام لەلایەن سوپای ئیسرائیلەوە ڕێگەیان نەدراوە بگەڕێنەوە.

زانیاریی زیاتر: بەگوێرەی هەواڵی ماڵپەڕەکە 60 کەس لەنێویاندا ژن و منداڵ هەن هەوڵی گەڕانەوەیان داوە بۆ سەر ماڵ و حاڵی خۆیان لەلایەن سەربازانی سوپای ئیسرائیل بە ئامانج گیراون و کوژراون.

ئەمەش بزانە: مارکۆ ڕۆبیۆ، وەزیری دەرەوەی ئەمریکا دوێنێ ڕایگەیاند؛ "گەڕانەوەی ئاشتی بۆ غەززە ئاسان نابێت."