ترەمپ: 30 تۆماهۆکمان ناوە بە ئێرانەوە

جیهان
6 تشرینی یەکەم

شەیری بکە لە:

وتاری دۆناڵد ترەمپ، سەرۆکی ئەمریکا بۆ هێزی دەریایی وڵاتەکەی. وێنە؛ AP

ئاڤا نیوز

لەمیانی بەڕێوەچوونی مەراسیمی هێزی دەریایی ئەمریکا، دۆناڵد ترەمپ وتارێکی پێشکەش بە هێزی دەریایی وڵاتەکەی کرد و ڕایگەیاند؛ لە کەشتییە جەنگییەکانی ئەمریکاوە 30 مووشەکی تۆماهۆکمان ناوە بە ئێرانەوە.

چیرۆکی سەرەکی: دوێنێ یەکشەممە ساڵیادی هێزیی دەریایی ئەمریکا بوو و سەرۆکی ئەمریکا لە مەراسیمەکەدا بەشداری کرد و وتارێکی پێشکەش بە سەربازەکانی ئەمریکا کرد و دڵنیایدایە سەربازەکان کە "دووچاری جەنگیان ناکاتەوە".

لێدوانی فەرمی: دۆناڵد ترەمپ، سەرۆکی ئەمریکا ئاشکرای دەکات؛ "لەم شەرەی دواییەوە لە کەشتییە جەنگییەکانمانەوە 30 مووشەکی تۆماهۆکمان ناوە بە ئێران و ناوەندە ئەتۆمییەکانی ئێرانەوە و ماوەی 22 ساڵە بە بەردەوام سەربازە ئەمریکییەکان مەشق و ڕاهێنان دەکەن بۆئەوەی بە وردی ناوەندە ئەتۆمییەکانی ئێران وێران بکەین".

لەلایەکی دیکەوە: سەرۆکی ئەمریکا دووبارە هەڕەشەی لە ئێران کردەوە و ڕایگەیاند؛ ئەگەر دووبارە دەست بە کارکردن لە بەرنامە ئەتۆمییەکانی بکاتەوە ئەوە ئێران و ناوەندەکانی مووشەکباران دەکەم.

لەلایەکی دیکەوە: ئەمڕۆ وتەبێژی وەزارەتی دەرەوەی ئێران ڕایگەیاند؛ هیچ بەرنامەیەکمان بۆ دانوستان لەگەڵ ئەمریکادا نییە.

ئەوەی پێشبینی دەکرێت: ئەمریکا کار بۆ بەهێزکردنی سیستمی بەرگری ئیسرائیل دەکات و ئیسرائیلیش ئامادەکاری دەکات بۆ ئەوەی دووبارە هێرش بکاتەوە سەر ناوەندە ئەتۆمییەکان و ناوەندە مووشەکییەکانی ئێران، بۆیە پێشبینی دەکرێت دووبارە جەنگ ڕووبداتەوە.