وەزارەتی دارایی عێراق 500 ملیار دیناری دیکە بۆ جووتیاران خەرج دەکات

ئاڤا نیوز

وەزارەتی دارایی عێراق بڕیاری خەرجکردنی بڕی 500 ملیار دیناری وەک پشکی شەشەم بۆ پاڵپشتیی جووتیاران و دابەشکردنی شایستە داراییەکانیان بۆ بەرهەمەکانی گەنم و برنجی وەرزی 2025 دەدات.

ڕاگەیێنراوی فەرمی: بەپێی ڕاگەیێنراوێکی فەرمانگەی ڕاگەیاندن و پەیوەندییەکانی حکومەت لە وەزارەتی دارایی عێراق: فەرمانگەی ژمێریاری ئەمڕۆ دووشەممە 2025-10-06 دەستی بە خەرجکردنی بڕی 500 ملیار دینار بۆ شایستەی جووتیاران لە بەرهەمەکانی گەنم و برنج بۆ ساڵی 2025 کردووە.

زانیاریی زیاتر: بەپێی ڕاگەیێنراوەکە،  ئەم بریارە ئەو جووتیارانە دەگریتەوە کە بەرهەمەکانییان لەلایەن وەزارەتی بازرگانییەوە وەرگیراوە و ناوەکانیان بەپێی ڕێکارە داراییە پەسەندکراوەکان بۆ وەزارەتی دارایی نێردراوە.