ڕێبەر ئەحمەد: دەبێت پڕۆسەی هەڵبژاردن لە کەشێکی ئارام و سەقامگیردا بەڕێوەبچێت

ئاڤا نیوز

چوار ڕۆژە بانگەشەی هەڵبژاردنی عێراق دەستیپێکردووە و وەزیری ناوخۆی کوردستان جەختی کردەوە لەوەی پڕۆسەکە لە کەشێکی ئارام و سەقامگیر بەڕێوەبچێت. 

چیرۆکی سەرەکی: ئەمڕۆ دووشەممە 06-10-2025، بەسەرپەرشتیی ڕێبەر ئەحمەد، وەزیری ناوخۆی هەرێمی کوردستان، کۆبوونەوەی لیژنەی باڵای ئەمنی لە دیوانی وەزارەتی ناوخۆ بەڕێوەچوو. کۆبوونەوەکە بۆ دانانی پلانێکی سەرەتاسەری بووە لەبارەی بەڕێوەچوونی پرۆسەی هەڵبژاردن.

ڕاگەیێنراوی فەرمی: لە کۆبوونەوەکەدا ڕێبەر ئەحمەد، وه‌زیری‌ ناوخۆ جەختی کردەوە لەوەی، دەبێت پڕۆسەی هەڵبژاردنی پەرلەمانی عێراق، لە کەشێکی ئارام و سەقامگیر بەڕێوەبچێت. دامه‌زراوه‌كانی‌ وه‌زاره‌تی‌ ناوخۆ نیشتمانین و پێویسته‌ هاووڵاتییان و لایه‌نه‌ سیاسییه‌كان له‌كاتی‌ بانگه‌شه‌ی‌ هه‌ڵبژاردن و ده‌نگدان هاوكار بن، تاوەکو كه‌شوهه‌وایه‌كی‌ ئارام دروست ببێت.

لەلایەکی دیکەوە: بە گوتەی وەزیری ناوخۆ، له‌ ئاستی‌ پارێزگا و ئیداره‌ سه‌ربه‌خۆكان لیژنه‌ی‌ لاوه‌كی‌ دروست كراوه‌، وەزارتەکان لەگەڵ لیژنە لاوەکییەکان هاوکار دەبن بۆ ئەوەی هیچ کێشەیەک دروست نەبێت.