عێراق پارچە شوێنەوارێکی کانزایی دەگمەن لە ئەمریکا وەردەگرێتەوە

ئاڤا نیوز

لە چوارچێوەی گەڕاندنەوەی شوێنەوارە دزراوەکانیدا، عێراق پارچە شوێنەوارێکی کانزایی دەگمەن لە ئەمریکا وەردەگرێتەوە.

ڕاگەیێنراوی فەرمی: باڵیۆزخانەی عێراق لە ئەمریکا ڕایگەیاند: بەهاوکاری دەسەڵاتدارانی ئەمریکا، پارچە شوێنەواری"وەعل"، لەئەمریکاوە بۆ عێراق گەڕێنرایەوە و بڕیاریشە لە داهاتوویەکی نزیکدا ڕادەستی مۆزەخانەی نیشتمانی عێراق بکرێتەوە.

 
زانیاریی زیاتر: پارچە شوێنەواری"وەعل"، بە یەکێک لە کۆنترین بەڵگەکانی بوونی هونەری کانزایی شارستانیەتی وڵاتی نێوان دوو ڕووبار دادەنرێت و مێژووەکەی بۆ زیاتر لە 4500 ساڵ پێش ئێستا دەگەڕێتەوە،

  
ئەمەش بزانە: لە سێ ساڵی ڕابردوودا، حکومەتی عێراق توانیویەتی زیاتر لە 25 هەزار پارچە شوێنەوار کە بۆ دەرەوەی وڵات بردرابوون، بگەڕێنێتەوە.