گه‌شتیارێک چه‌كی پاره‌ و به‌ڵگه‌نامه‌كانى له‌ هه‌ولێر ون دەکات و هاووڵاتییه‌ک به‌دوایدا ده‌گه‌ڕێت

ئاڤا نیوز

گه‌شتیارێکی عەرەب چه‌كی پاره‌ و به‌ڵگه‌نامه‌كانى له‌ دووکانی وەستایەک لە هه‌ولێر ون كردووه‌، وەستاکە به‌ دوایدا ده‌گه‌ڕێت و دەیەوێت بۆی بگەڕێنێتەوە بەڵام نایدۆزێتەوە.

چیرۆکی سەرەکی: دوومانگ بەر لە ئێستا هاووڵاتییەکی عەرەب سەردانی ناوچەی پیشەسازی دەکات لە هەولێر و لای وەستایەک بە ناوی وەستا سەعد فیتپەمپی ئۆتۆمبێلەکەی دەگۆڕێت.

- دوای چاککردنەوەی ئۆتۆمبێلەکەی، پارەی داوە و ڕۆشتووە، دوای دوو مانگ  خاوەن دووکانە بۆی دەرکەوتووە ئەو هاووڵاتییە ژمارەیەکی زۆر بەڵگەنامەی فەرمی و چەکێکی بانکیی لەبیرکردووە. لەڕێگەی ئاڤاوە داوا دەکات کێ دەیناسێت ئاگاداری بکاتەوە بچێت وەریان بگرێتەوە.

- وەستا سەعد چیرۆکەکەی بۆ ڕزگار کۆچەر، ڕۆژنامەنووسی دیاری ئاڤا گێڕاوەتەوە: دوای دوو مانگ ڕۆژێک ناو دووکانەکەم پاک دەکردەوە، لەپشت قەنەفەیەکدا زەرفێکی گەورەم دۆزییەوە، کاتێک کردمەوە چەکێکی بانکی واژۆکرا و بە بڕی 50 هەزار دۆلار، پاسپۆرتێک و گرێبەستی خانووبەرە و زەوی کشتوکاڵی و چەندین بەڵگەنامەی دیکەی فەرمی تێدابوو.

زانیاریی زیاتر: بەپێی پاسپۆرتەکەی بێت، هاووڵاتییەکە ناوی محەممەد نەجاح کەریمە، خەڵکی کەربەلایە و لەسەر پاسپۆرتەکەشی دوو ڤیزای ئێرانی لەسەرە.

وەستا سەعد ماوەیەکی زۆرە بەدوایدا دەگەڕێت و نایدۆزێتەوە، لەڕێگای ئاڤاوە تکا دەکەم کێ ئەو هاووڵاتییە دەناسێت ئاگاداری بکات بۆئەوەی ئەو فایلەی بۆ بگەڕێنمەوە.