مەسرور بارزانی: حکومەت یارمەتیی هەموو بزنسمان و داهێنەران دەدات

ئاڤا نیوز

سەرۆکوەزیران مەسرور بارزانی لە گەورەترین پێشانگای تەکنەلۆژیا ڕایگەیاند: حکومەت یارمەتیی هەموو ئەو بزنسمان و داهێنەرانە دەدەن کە ئامادەن خۆیان کار بکەن

چیرۆکی سەرەکی: ئەمڕۆ سێ شەممە سەرۆکوەزیران مەسرور بارزانی، شەشەم گەورەترین پێشانگای تەکنەلۆژی لە ڕۆژهەڵاتی ناوەڕاست و گەورەترین پلاتفۆرم و پێشانگە و کۆنفرانسی لە کوردستان و عێراق بۆ تەکنەلۆژیا لە هەولێر کردەوە.

لێدوانی فەرمی: سەرۆکوەزیران مەسرور بارزانی لە پێشانگای هایتێکسدا ڕایگەیاند: دەستخۆشی لە ڕێکخرانی پێشانگەکە دەکەم و کاریکی باشیان کردووە، ئەمە چەند ساڵیکە من بەشدار دەبم و هەر ساڵ دەبینم پێشکەوتنی زیاتر لە پێشانگەدا هەیە، خەڵکێکی شارەزا لەناو کوردستان هەڵکەوتوە، گەنجەکانمان توانیویانە داهینان بکەن و بەشداربن لەم پێشکەوتنە تەکنەلۆژیەی ئێستا لە سەرتاسەری جیهان هەیە. جێگەی دڵخۆشییە و ئومێد زۆرم کە کوردستان ئایندەیەکی گەشتری دەبێت.

ئەوەی پێویستە بیزانیت: سەرۆکوەزیران مەسرور بارزانی تیشکی خستە سەر ئەوەی، حکومەت یارمەتیی هەموو ئەو بزنسمان و داهێنەرانە دەدەن کە ئامادەن خۆیان کار بکەن.