ئاڤای خەڵک؛ ئاڤا به‌دواداچوون بۆ مووچه‌ی پێشمه‌رگه‌ كه‌مئه‌ندامه‌كانى سه‌نگه‌ر ده‌كات

ئاڤا نیوز

ژمارەیەک پێشمەرگەی کەمئەندامی سەنگەر تاوەکو ئێستا مووچەیان وەرنەگرتووە و داوایان لە ئاڤا کردووە بەدواداچوونیان بۆ بکات.

چیرۆکی سەرەکی: ژمارەیەک پێشمەرگەی کەمئەندامی سەنگەر کە ژمارەیان 91 کەسە بەهۆی ئەوەی فایلەکانیان تەواو نەکراووە، ناویان لە لیستی مووچەدا نەهاتووە و مووچەیان وەرنەگرتووە، هەر بۆیە پەیوەندییان بە ئاڤاوە کردووە و داوای بەدواداچوونیان کردووە. 

لێدوانی فەرمی:  حاجی مەلا ئەمین، بەڕێوەبەری گشتیی خانەنشینی پێشمەرگە و کەمئەندامان لە وەزارەتی پێشمەرگە لەوبارەیەوە بە ئاڤای ڕاگەیاند: ئەو پێشمەرگانە فایلەکانیان لە فەرماندەی لەشکری کوردستان نەهاتووە و تەواو نەکراوە، ئێستا سەرقاڵی تەواوکردنی مامەڵەی ئەو فایلانەین ئەگەر تەواو بێت لەگەڵ مانگەکانی داهاتوو مووچەکانیان دەگەڕێتەوە و قەرەبووییان دەکرێتەوە.

- نووسراوێک بۆ ئەنجوومەنی وەزیران دەکەین بۆ ئەوەی لەسەر داهاتی ناوخۆ مووچەیان پێ بدرێت، تاوەکو کێشەکەیان چارەسەر دەکرێت.