ئۆکرانیا بە درۆن هێرشێکی بەرفراوانی کردە سەر ڕووسیا

ئاڤا نیوز 

 ئۆکرانیا بۆ دووەم شەوی لەسەریەک لە ڕێگەی درۆنەوە هێرشی بەرفراوانی کردە سەر ڕووسیا، هێزی بەرگری ڕووسیا دەڵێت: "سەدان درۆنمان خستووتە خوارەوە".

وێنە گەورەکە: کیێڤ بەڵێنی داوە هێرشەکانی لەسەر خاکی ڕووسیا چڕ بکاتەوە، بەتایبەتی لەسەر ژێرخانی نەوتی ڕووسیا، وەک وەڵامێک بۆ هێرشەکانی مۆسکۆ لەسەر شارەکانی ئۆکرانیا و تۆڕی وزەی ئەو وڵاتە.

ڕاگەیێنراوی فەرمی: وەزارەتی بەرگری ڕووسیا لە بەیاننامەیەکدا ڕایگەیاند، 184 درۆنیان خستووەتە خوارەوە کە زۆربەیان لەسەر ناوچە سنوورییەکانی کورسک و بیلگۆرۆد کراونەتە ئامانج.

باکگراوند: ڕۆژی دووشەممە ڕووسیا ڕایگەیاند، 251 درۆنی خستووتە خوارەوە، کە یەکێک بووە لە گەورەترین هێرشەکانی کیێڤ و بەهۆیەوە دوو کەس کوژراون و بووەتە هۆی پچڕانی کارەبا لە شاری بیلگۆرۆد.