بەشێکی شەقامی 100 مەتریی هەولێر نۆژەن دەکرێتەوە

ئاڤا نیوز

 

نزیکەی هەشت کیلۆمەتر لە شەقامی 100 مەتریی شاری هەولێر نۆژەن دەکرێتەوە و دووبارە قیرتاو دەکرێتەوە.

 

چیرۆکی سەرەکی: ئەمڕۆ سێشەممە 7-10-2025، بەردی بناغەی قیرتاوکردنی هەشت کیلۆمەتر لە شەقامی 100 مەتریی شاری هەولێر دانرا، وابڕیارە لە ماوەی 120 ڕۆژ کارەکانی تەواو بکرێت.

 

لێدوانی فەرمی: ساسان عەونی، وەزیری شارەوانی و گەشتوگوزاری کوردستان گوتی، لە ماوەی 120 ڕۆژ هەشت کیلۆمەتر لە شەقامی 100 مەتریی نۆژەن دەکرێتەوە و دووبارە قیرتاو دەکرێتەوە، ئەو بەشەی نۆژەن دەکرێتەوە لە چواریانی ڕێگای موسڵ دەست پێ دەکات تا چواریانی ڕێگای مەخموور.

 

زانیاریی زیاتر: ئەو پرۆژەیە بە بڕی سێ ملیار و 550 ملیۆن دینار جێبەجێ دەکرێت و لەسەر بودجەی وەزارەتی شارەوانی و گەشتوگوزارە.