لە بەریتانیا تۆڕێکی دزینی مۆبایل دەستگیر کران

ئاڤا نیوز

 

لەچوارچێوەی هەڵمەتێکدا بۆ دەستگیرکردنی تۆڕێکی نێودەوڵەتی کە تۆمەتبارن بەوەی 40 هەزار مۆبایلی دزراویان لە بەریتانیاوە بۆ چین گواستبێتەوە، 46 کەس دەستگیر کران.

 

لێدوانی فەرمی: پۆلیسی لەندەن ڕایگەیاند، ئەمە گەورەترین کەیسی دزیکردن بووە لە شارەکەدا لەکاتێک ئەم ڕووداوانە لە شوێنە گەشتیارییەکانی ئەو وڵاتە زۆر ڕوودەدات.

 

ئەوەی پێویستە بیزانیت: لە مانگی 12ی 2024ەوە پۆلیس لێکۆڵینەوە لەسەر ئەم تۆڕە دەکات، لەوەوە ئاشکرا بوون پۆلیس دەستیگرتووە بەسەر سندووقێکدا کە هەزار مۆبایلی ئایفۆنی تێدابووە کە تۆڕەکە بەنیازبوون لە لەندەنەوە بە قاچاغ بینێرن بۆ چین.

 

11 کەس لەوانەی دەستگیرکرابوون بەوە تۆمەتبارن کە هێرشیان کردووەتە سەر ئەو بارهەڵگرانەی ئایفۆن 17 تازەکانیان گواستووەتەوە بۆ کۆگاکان.

 
ئەمەش بزانە: تەنیا لە ساڵی ڕابردوو، زیاتر لە 81 هەزار مۆبایل لە لەندەن دزراون، دزەکان هەر مۆبایلێكیان بە 403 دۆلار فرۆشتووەتەوە.