سەرۆکوەزیرانی کەنەدا بۆ کەم کردنەوەی پێناسە گومرگییەکانی ترەمپ سەردانی واشنتن دەکات

ئاڤا نیوز

 

بڕیارە ڕۆژی سێشەممە مارک کارنی، سەرۆکوەزیرانی کەنەدا سەردانی واشنتن بکات بۆ گفتوگۆکردن لەگەڵ دۆناڵد ترەمپ، بە ئامانجی کەم کردنەوەی ئەو پێناسە گومرگیانەی کە کاریگەری نەرێنییان لەسەر ئابووریی کەنەدا هەیە.

 

لێدوانی فەرمی: کارۆلین لیڤیت، وتەبێژی کۆشکی سپی، سەردانەکەی پشتڕاستکردەوە و ئاماژەی بەوەدا کە دۆخی ئابووری و کارە بازرگانییەکانی نێوان ئەمریکا و کەندا تاوتوێ دەکرێن. ئەمریکا گەورەترین هاوبەشی ئابووری کەنەدایە و 75%ی هەناردەکانی لەم وڵاتەوە بۆی دێت، لە چارەکی دووەمی ئەمساڵدا دابەزینی 1.5%ی لە بەرهەمی ناوخۆیدا بەخۆوە بینی.

 

ئەمەش بزانە: ترەمپ پێشتر پێناسی گومرگی لەسەر دار، ئەلەمنیۆم، پۆڵا و ئۆتۆمبێل سەپاندووە، و لەم دواییانەشدا باجی 25%ی لەسەر بارهەڵگرە قورسەکان ڕاگەیاند کە لە 1ی تشرینی دووەمەوە دەست پێ دەکات. هەرچەندە زۆربەی کاری بازرگانی بە ڕێککەوتننامەی (USMCA) پارێزراوە، بەڵام ئەم ڕێککەوتنە بەم زووانە دووبارە گفتوگۆی لەسەر دەکرێتەوە و ترەمپ داوای پێداچوونەوەی کردووە کە لە بەرژەوەندی پیشەسازییەکانی ئەمریکادا بێت.

 

زانیاریی زیاتر: ئەمە دووەم سەردانی  مارک کارنییە بۆ کۆشکی سپی لەوەتەی لە مانگی نیساندا دەستبەکار بووە. مارک کارنی هەوڵدەدات پەیوەندییەکان بگەڕێنێتەوە و گفتوگۆ لەسەر "کارە لەپێشینە هاوبەشەکان لە پەیوەندییەکی نوێی ئابووری و ئەمنیدا" لەگەڵ ئەمریکا بکات.