ڕێگای گەلی عەلی بەگ بۆ ماوەی سێ ڕۆژ دادەخرێت

ئاڤا نیوز

 

بەهۆی جێبەجێکردنی ماستەرپلانی گەشتیاریی سۆران بۆ ماوەی سێ ڕۆژ ڕێگای گەلی عەلی بەگ دادەخرێت و ڕێگای جێگرەوەی بۆ دانراوە.

 

لێدوانی فەرمی: هەژار حەکیم، بەڕێوەبەری ڕاگەیاندن و پەیوەندییەکانی ئیدارەی سەربەخۆی سۆران، بە ئاڤا میدیای ڕاگەیاند، بە مەبەستی جێبەجێکردنی پڕۆژەی ماستەر پلانی ئیدارەی سۆران، بڕیاردراوە ڕێگەی گەلی عەلی بەگ بۆ ماوەیەکی دیاریکراو بەسەر شۆفێراندا دابخرێت.

   
زانیاریی زیاتر: هەژار حەکیم ئاگاداری هاووڵاتییان و شۆفێران دەکاتەوە، لە چوارچێوەی جێبەجێکردنی بەشێک لە پڕۆژەی ماستەر پلانی گەشتیاری و بە مەبەستی پاراستنی شوفێران و هاووڵاتیان، ڕێگەی گەلی عەلی بەگ لە هاوینەهەواری کانی ماران تا بازگەی گەلی عەلی بەگ دادەخرێت، ماوەی داخستنەکە لە ڕێکەوتی 8-10-2025 تا 10-10-2025 و بۆ ماوەی سێ ڕۆژ لە کاتژمێری 6ـی بەیانی تا 6ـی ئێوارە دەبێت.

 
ئەوەی پێویستە بیزانیت: ئیدارەی سەربەخۆی سۆران ڕێگەی جێگرەوە بۆ شۆفێران دەخاتەڕوو، لە ئەم ماوەیەدا شوفێران دەتوانن سوود لە ڕێگەی بێخاڵ وەک ڕێگەی جێگرەوە وەربگرن.