حەماس لەبارەی یەحیا سینوار و براکەی داوایەک لە ئیسرائیل دەکات

ئاڤا نیوز

 

بەگوێرەی ماڵپەرێکی ئەمریکی بزووتنەوەی حەماس داوای ڕادەستکردنی تەرمی یەحیا سینوار، سەرۆکی پێشووی مەکتەبی سیاسی حەماس و براکەی محەممەد سینوار لە ئیسرائیل دەکاتەوە.

 

وێنە گەورەکە: ئێستا هەوڵە دیپلۆماسییەکان بۆ دانوستان و ڕێککەوتن لەسەر بنەمای پلانەکەی ترەمپ لەنێوان حەماس و ئیسرائیل چڕتر کراونەتەوە و هەردوو لایەن یەکی شاندێکیان بەنێوەندگیریی سەرۆکی ئەمریکا لە شەرم شێخی میسرن بۆئەوەی لێکتێگەیشتن لەیەکدی وەربگرن بۆ ڕاگەیاندنی ئاگربەستی گشتگیر.

 

بڵاوکراوەی فەرمی: ماڵپەڕی وۆڵ ستریت جۆرناڵی ئەمریکی بڵاوی کردووەتەوە، شاندی حەماس داوایەکیان ئاڕاستەی ئیسرائیل کردووە سەبارەت بە تەرمی هەریەکە لە یەحیا سینوار و محەممەد سینوار. بزووتنەوەکە بە ئیسرائیلییان وتووە تەرمی ئەو دوو سەرکردەیەمان بۆ بگەڕێننەوە با لەنێو لیستی ئەو فەڵەستینییانە بن کە بڕیارە لەبەرامبەر 48 بارمتەی ئیسرائیلی ئازاد بکرێن."

 

بۆچوونی لایەنی بەرامبەر؛ بەگوێرەی ماڵپەڕە ئەمریکییەکە، پێشووتر ئیسرائیل ئەم داواکارییەی حەماسی ڕەتکردووەتەوە و ئێستاش بەهەمان شێوە ئەو داواکارییە بۆ رادەستکردنەوەی تەرمی ئەو دوو سەرکردەیەی حەماس ڕەتدەکەنەوە.

ئێستا چی ڕوودەدات؛ ئێستا شاندی حەماس و ئیسرائیل بەنێوەندگیریی ئەمریکا بەردەوامن لە دانوستانەکانیان سەبارەت بە کۆتاییهێنان جەنگی دوو ساڵە و ڕاگەیاندنی ئاگربەستی گشتگیر.