لە پاکستان لە پێکدادانێکی چەکداریدا 17 سەرباز و 19 چەکدار کوژران

ئاڤا نیوز

لە ئەنجامی پێکدادانێکی چەکداریدا لەنێوان گرووپی تەحریکی تاڵیبانی پاکستان و هێزێکی سەربازی پاکستان، زیاتر لە 30 سەرباز و چەکدار لەنێوان هەردوولا کوژران.

چیرۆکی سەرەکی: گرووپێکی چەکداریی لە ناوچەی 'ئورک زی' لە پارێزگاری خەیبەر پەختونخا، لە باکووری ڕۆژئاوای پاکستان، هێرشیان کردە سەر هێزێکی سەربازیی پاکستان و 17 کەسیان لێ کوشتن کە لە ناو کوژراوەکاندا دوو ئەفەسەری پلە باڵای سوپای پاکستان هەن. 

لە بەرامبەردا سوپای پاکستان هێرشێکی تۆڵەسەندنەوەیان بۆسەر بزووتنەوەی تاڵیبان لە پاکستان کردووە کە بە تەحریکی تاڵیبانی پاکستان ناسراون، 19 چەکداریان لێ کوشتوون.

زانیاریی بەدەستهاتوو: ئەم تووندوتیژییە بەشێکە لەو ناکۆکییانەی کە لە نێوان پاکستان و ئەفغانستاندا هەن. ئەم دوو وڵاتە یەکدی بە هاندانی گرووپە چەکدارەکان تۆمەتبار دەکەن و هەر یەکە دەڵێت ئەوی تر لە کۆنترۆڵکردنی سنوورەکان و ڕووبەڕووبوونەوەی تیرۆر کەمتەرخەمە. 

پاکستان دەڵێت تەحریکی تاڵیبانی پاکستانە لقێکە لە تاڵیبانی ئەفغانستان و لە ناوچە سنوورییەکان چالاکە و بە ئازادیش لە ئەفغانستان دەسوڕێنەوە، چونکە لە 2021ـەوە تاڵیبان بۆ ئەفغانستان گەڕاوەتەوە و حوکمی ئەو وڵاتە دەکات. ئەفغانستانیش ئەم تۆمەتانە ڕەتدەکاتەوە.

پاکستان هەروەها دەڵێت، هیندستان دەستی لەم تووندوتیژییانەدا هەیە و ئەو وڵاتەش پشتیوانیی دارایی و لۆجیستی لە تەحریکی تاڵیبان دەکات.

ئەو مانایەی دەیگەیێنێت: بە قسەی بەرپرسانی پاکستان بێت لە ڕۆژئاواوە ئەفغانستان و لە ڕۆژهەڵاتیشەوە هیندستان زۆریان بۆ پاکستان هێناوە و لە ڕێگەی ئەم گرووپانەوە گوشاری دەخەنە سەر و زیانی پێ دەگەیێنن.