سەرۆکی ئیسرائیل: ترەمپ شایەنی خەڵاتی ئاشتییە

ئاڤا نیوز

دواجار بە هەوڵەکانی دۆناڵد ترەمپ، سەرۆکی ئەمریکا هەریەکە لە بزووتنەوەی حەماس و ئیسرائیل قۆناغی یەکەمی پلانی ئاشتی غەززەیان واژۆ کرد، لەژێر ڕۆشنایی ئەم دەستکەوتە سەرۆکی ئیسرائیل ستایشی هەوڵەکانی ترەمپ دەکات و بەشایەنی خەڵاتی نۆبڵی ئاشتی دەزانێت

وێنە گەورەکە: دۆناڵد ترەمپ، سەرۆکی ئەمریکا لەدوای گەڕانەوەی بۆ کۆشکی سپی لەمانگی یەکی ئەمساڵەوە، توانیویەتی چەندین شەڕی جیهانی ڕابگرێت، لەوانەش (ئێران و ئیسرائیل، پاکستان و هیندستان ، ڕواندا و کۆنگۆ، تایلەند و کەمبۆدیا، ئەرمینیا و ئازەربایجان)، هەر بۆیەش هەمیشە خۆی بە شایەنی خەڵاتی ئاشتی دەزانێت.

بڵاوکراوەی فەرمی: ئیسحاق هێرزۆگ، سەرۆکی ئیسرائیل لە تۆڕی ئێکس پەیامێکی ئاراستەی دۆناڵد ترەمپ، سەرۆکی ئەمریکا کرد و ڕایگەیاند، ئەو ڕێککەوتنێکی هێنایەدی  بۆ کۆتاییهێنان بەشەڕ  و دروستکردنی هیوا بۆ گۆڕانکاریی لە ڕۆژهەڵاتی ناوەڕاست، ترەمپ شایەنی خەڵاتی نۆبڵە بۆ ئاشتی.

زانیاریی زیاتر: لەبارەی ئەگەری سەردانیکردنی ترەمپ بۆ وڵاتەکەی، هێرزۆگ وتی، ئەگەر ترەمپ بڕیار بدات بێت بۆ ئێرە ئەوا لەلایەن خەڵکی ئیسرائیلەوە پێشوازی گەرمی لێدەکرێت و خۆشەویستی و پێزانینی زۆر بەدەست دەهێنێت.