بەرەی گەل: تەندروستی پۆڵاد شێخ جەنگی بەرەو باشبوون دەچێت

ئاڤا نیوز

لە چەند ڕۆژی ڕابردوو تەندروستی پۆڵاد شێخ جەنگی لە زیندان تێکچوو بەهۆیەوە گواسترایەوە نەخۆشخانە، ئەمڕۆ بەرپرسێک لە بەرەی گەل دەڵێت تەندروستی بەرەو باشی دەچێت.

چیرۆکی سەرەکی: نزیکەی دوو مانگە لاهوور شێخ جەنگی، سەرۆکی بەرەی گەل، پۆڵاد شێخ جەنگی برای، تیمی پاسەوانان، کارگوزار و ژمارەیەک کارمەندی هێزی دووپشک لەلایەن ئاسایش و دژە تیرۆری یەکێتییەوە دەستگیرکراون، تاوەکو ئێستا دادگایی نەکراون و  سێ ڕۆژ پێش ئێستا تەندروستی پۆڵاد شێخ جەنگی لە زیندان تێکچوو.

لێدوانی فەرمی: شادمان مەلا حەسەن، لە بەرەی گەل بە ئاڤای گوت، "پۆڵاد شێخ جەنگی بەهۆی تەنگەنەفەسییەوە گەیێنرابوویە نەخۆشخانە، بەڵام دوو ڕۆژە بەرەو باشبوون دەچێت، ئێستا لەگەڵ لاهوور شێخ جەنگی لە زیندانی ئاسایشن."

باکگراوند: شەوی 22ـی ئابی ئەمساڵ، دوای ڕووبەڕووبوونەوەیەکی چەکداریی خوێناوی، هێزە ئەمنییەکانی یەکێتی، لاهوور شێخ جەنگی، سەرۆکی بەرەی گەل و پۆڵاد شێخ جەنگی برای و سەدان کەسی دیکەیان  دەستگیرکرد.