ئیسرائیل لەبارەی ڕێککەوتنی غەززە هۆشداریی دەداتە لایەنەکان

ئاڤا نیوز

 

ئێران سەبارەت بە ڕێککەوتنی غەززە لەنێوان ئیسرائیل و حەماس دەڵێت، تاران هەمیشە پشتیوانی هەر هەوڵێک بووە کە ببێتە هۆی "وەستانی جینۆساید" و دەرچوونی سەربازانی داگیرکەر لە غەززە.

 

وێنە گەورەکە: بەرەبەیانیی ئەمڕۆ پێنجشەممە دۆناڵد ترەمپ، سەرۆکی ئەمریکا لە تۆڕی کۆمەڵاتیی ترووس سۆشیاڵ ڕایگەیاند، هەریەک لە بزووتنەوەی حەماس و ئیسرائیل لەسەر قۆناغی یەکەمی پلانی ئاشتی لە غەززە ڕێککەوتن.

لێدوانی فەرمی: وەزارەتی دەرەوەی ئێران لە بەیاننامەیەکدا ڕایگەیاند، ئێران پشتیوانی لەم ڕێککەوتنە دەکات و ئەو وڵاتە هەمیشە پشتیوانی هەر هەوڵێک بووە کە ببێتە هۆی "وەستانی جینۆساید، دەرچوونی سەربازانی داگیرکەر، چوونەناوەوەی یارمەتییە مرۆییەکان، ئازادیی دیلە فەلەستینییەکان و بەدەستهێنانی مافە بنەڕەتییەکانی فەلەستینییەکان".

لە بەیاننامەکەدا ئەوەش هاتووە کە لە ماوەی دوو ساڵی ڕابردوودا ئێران بەردوام هەموو توانا دیپلۆماسییەکانی خۆی لەسەر ئاستی ناوچەکە و وڵاتانی ئیسلامی و نەتەوە یەکگرتووەکان بۆ وەستانی شەڕ بەکار بردووە. 

ئەوەی پێویستە بیزانیت: ئێران هەروەها هۆشداریی دەدات هەموو لایەنەکان کە لە بەرامبەر "فرتوفێڵ و بێبەڵێنیی" ئیسرائیل هۆشیار و وریا بن.