چەکدارانی حکومەتی دیمەشق دەوروبەری بەنداوی تشرین بۆردومان دەكەن

ئاڤا نیوز

 

ناوەندی ڕاگەیاندنی هێزەكانی سووریای دیموكرات "هەسەدە" ڕایدەگەیێنێت، حكومەتی دیمەشق ئاگربەستی پێشێل كردووە و گروپە چەكدارەكانی سەر بە سوپای سووریا، دەوروبەری بەنداوی تشرینیان بەچڕیی بۆردومان كردووە.

 

ڕاگەیێنراوی فەرمی: هەسەدە ڕایدەگەیێنێت، تۆپبارانەكە لە كاتژمێر 5:30ـی خولەكی ئێوارەی ئەمڕۆ ڕوویداوە، شوێنی ئاڕاستەكردنی مووشەك و بۆردومانەكانیش لە پێگە سەربازییەكانی دەوروبەری شاری منبەجەوە بووە.

 

ئەوەی پێویستە بیزانیت: لە چەند ڕۆژی ڕابردوودا شەڕ و گرژییەكانی نێوان دانیشتوانی هەردوو گەڕەكی كوردنشینی شێخ مەقسوود و ئەشرەفییە لە پارێزگای حەلەب دروست بوو. بەو هۆیەوە چەندین کەس لەهەردوولا کوژران.

 

زانیاریی زیاتر: ڕۆژی سێشمەممەی ئەم هەفتەیە مەزڵووم عەبدی بە یاوەری شاندێک گەیشتە دیمەشق و بڕیاردرا ئاگربەست هەموو ناوچەکان بگرێتەوە.  ئەمڕۆ جارێکی دیکە گرووپەکان نزیک بەنداوی ترشینیان بۆردوومان کردەوە.