دیندار زێباری: بەكارهێنانی ماددەی هۆشبەر لە زیادبووندایە

ئاڤا نیوز

رێکخەری ڕاسپاردە نێودەوڵەتییەکانی حکومەتی هەرێمی کوردستان ئاشکرایکرد، لەماوەی یەک ساڵدا دوو هەزار و 287 کەس بەهۆی بەکارهێنانی ماددە هۆشبەرەکانەوە دەستگیرکراون.

لێدوانی فەڕمی: دیندار زێباری، ڕێکخەری ژووری ڕاسپاردە نێودەوڵەتییەکان لە حکومەتی هەرێمی کوردستان لە کۆنگرەیەکی ڕۆژنامەوانیدا ڕایگەیاند: بەکارهێنانی ماددەی هۆشبەر ڕووی لە زیادبوون کردووە و کاری باشتر کراون بۆ هۆشیارکردنەوەی خەڵک لە بەکارهێنانی ماددەی هۆشبەر.

ژمارەکان وادەڵێن: لە ساڵی2023 دا لە هەرێمی کوردستان سێ  هەزار و 278 کەس دەستگیرکراون و لە زینداندانن. کۆی گشتی ئەو کەسانەی لە لایەن ئاسایشەوە دەستگیرکراون و لە لێکۆڵینەوەدان ژمارەیان سێ هەزار و 290 کەسە.

ئەوەی پێویستە بیزانیت: هەرێمی کوردستان لەبەر ئەوەی دراوسێیە لەگەڵ ئێران و ئەو وڵاتەش  بەکارهێنانی ماددەی هۆشبەری تێدا زۆرە بەئاسانی ماددەی هۆشبەر دێتە هەرێمی کوردستان، کاری زۆر کراوە بۆ ڕێگریکردن لە بەکارهێنانی ماددەی هۆشبەر.دیندار زێباری وادەڵێت.