خەڵاتی نۆبڵی ئاشتی نەدرا بە ترەمپ

ئاڤا نیوز


هەر چەندە لەماوەی ڕابردوودا ترەمپ ڕایگەیاند: لیژنەی خەڵاتی نۆبڵی ئاشتی لەبری یەک خەڵات پێویستە چەند خەڵاتێکم پێبدەن، بەڵام ئەو وتانەی ترەمپ سوودی نەبوو و کۆرینا ماچادۆ وەکو براوە دەستنیشان کرا.

ڕاگەیێنراویی فەرمی: لیژنەی دابەشکردنی نۆبڵ ڕایگەیاندووە، "ماچادۆ خەڵاتی نۆبڵی ئاشتی وەردەگرێت بەهۆی کارە ماندوونەناسەکانی لە بەرەوپێشبردنی مافە دیموکراسیەکان بۆ خەڵکی ڤەنزوێلا، هەروەها بەهۆی خەباتی بۆ گەیشتن بە گوزەرانێکی دادپەروەرانە و ئاشتیانە لە دیکتاتۆریەوە بۆ دیموکراسی".


ئەمەش بزانە: ماریا کۆرینا ماچادۆ، سەرکردەیەکی ئۆپۆزیسیۆنی ڤەنزوێلایە و خەبات و ژیانی خۆی بۆ بەرقەراکردنی ئاشتی و ئاسایش تەرخان کردووە. 


زانیاریی زیاتر: ئەمە دووەمین جارە سەرۆکی ئەمریکا نابێتە براوەی خەڵاتی نۆبڵی ئاشتیی، لەکاتێکدا کە لە خولی یەکەمی سەرۆکایەتیشیدا خۆی بۆ ئەو خەڵاتە کاندید کردبوو، ئەمڕۆ دوای ڕاگەیاندنی ناوەی براوەی خەڵاتەکە جارێکی دیکە ترەمپ بێ هیوا کرا.