عێراق داوا لە ئەمریکا دەکات سزا لەسەر بانکە تایبەتەکان هەڵبگرێت

ئاڤا نیوز

بانکی ناوەندیی عێراق  بەنیازە ڕاپۆرتێک بۆ وەزارەتی گەنجینەی ئەمریکا بنێرێت و داوای هەڵگرتنی سزا لەسەر  28 بانکی کەرتی تایبەت بکات.

 

لێدوانی فەرمی: حەسەن خەفاجی، سەرۆکی لیژنەی وەبەرهێنان و گەشەپێدان لە ئەنجوومەنی نوێنەرانی عێراق ڕایگەیاندووە: "لیژنەکەمان پێشنیازی بۆ عەلی عەلاق، پارێزگاری بانکی ناوەندی کردووە پشتگیری لە بانکە تایبەتەکان بکات".

 

زانیاریی زیاتر: پارێزگاری بانکی ناوەندی بەڵێنی داوە ڕاپۆرتێک بۆ وەزارەتی گەنجینەی ئەمریکا بەرز بکاتەوە بۆ چاوخشاندنەوە بە بڕیارەکە و هەڵگرتنی قەدەغە لەسەر بانکەکان.

 

باکگراوند: لە مانگەکانی ڕابردوودا بەتۆمەتی تێوەگلانیان لە سپیکردنەوەی پارە و ناردنی دۆلار بۆ ئێران، وەزارەتی گەنجینەی ئەمریکا سزای بەسەر 28 بانکی عێراقیدا سەپاند، بانکەکانی خستە لیستی ڕەشەوە و مامەڵەکردنی بە دۆلار لێ قەدەغە کردن.