هەژماری من شوێنی ئامێرەكانی ڕاكێشانی پارە لە پارێزگای سلێمانی بڵاو دەکاتەوە

ئاڤا نیوز

تیمی 'هەژماری من' ئاشكرای دەكات، ئێستا لە سنووری پارێزگای سلێمانی و هەردوو ئیدارەی سەربەخۆی گەرمیان و ڕاپەڕین، 29 ئامێری ڕاكێشانی پارە (ATM) هەن، پلانیش هەیە لەگەڵ زیادبوونی ژمارەی مووچەخۆران لە هەژماری من، دەیان ئامێری دیكەش زیاد بكرێن.

چیرۆكی سەرەكی: تیمی هەژماری من، ناونیشانی ژمارەیەك ئامێری نوێی ڕاكێشانی پارە لە سنووری پارێزگای سلێمانی و هەردوو ئیدارەی سەربەخۆی ڕاپەڕین و گەرمیان بڵاودەكاتەوە، ئەوانەی لە هەژماری من تۆماركراون و خاوەنی كارتی بانكین، دەتوانن لەمەودوا سەردانی نزیكترین ئامێری ڕاكێشانی پارە بكەن بۆ وەرگرتنی مووچەكانیان.

زانیاریی بەدەستهاتوو: سەرچاوەیەك لە تیمی هەژماری من بە ئاڤای ڕاگەیاند، ئێستا لە سنووری پارێزگای سلێمانی و هەردوو ئیدارەی گەرمیان و ڕاپەڕین، 29 ئامێری ڕاكێشانی پارە هەن، زیاتر لە 83 هەزار مووچەخۆری ئەو سنوورە كە خاوەنی هەژماری بانكین، دەتوانن لەڕێگەی ئەو ئەی تی ئێم ـانەوە مووچەكانیان وەربگرن.

زانیاریی زیاتر: لە سەنتەری شاری سلێمانی، 19 ئامێری ATM هەن كە كەوتوونەتە ئەو شوێنانە:

- شەقامی سالم، بەردەم سەرۆكایەتیی شارەوانیی سلێمانی.
- شەقامی سلێمانی - كەركووك، بەرامبەر بینای پارێزگای سلێمانی.
- بەكرەجۆ ، بەرامبەر فەرمانگەی دادنووسی سلێمانی.
- پەیمانگەی كولتووری كوردی.
- بەرامبەر بانكی خوێن.
- شەقامی سالم، بەردەم پەروەردەی سلێمانی.
- شەقامی ئیبراهیم پاشا، نزیك قوتابخانەی گۆیژە.
- سەروەری، بەردەم قوتابخانەی یو ئێس.
- شەقامی مەلیك مەحموود، نزیك هەڵەبجە گرووپ.
- تووی مەلیك، باخچەی مامۆستا فەرەیدوون عەلی ئەمین.
- بەردەم مزگەوتی قازی محەممەد.
- شەقامی مەلیك مەحموود، نەخۆشخانەی ڤێتێرنەری.
- باخی گشتیی سلێمانی.
- شەقامی سالم، چێشتخانەی طبیخ.
- كانی با، پەیمانگەی ناشناڵ.
- بەكرەجۆ، بەردەم بەڕێوەبەرایەتیی كار و كاروباری كۆمەڵایەتی.
- گەڕەكی كوردسات، بەردەم قوتابخانەی كەریم زەندی كچان.
- شەقامی مامۆستایان، بەردەم قوتابخانەی ڕیسپێكت.
- تووی مەلیك، بانكی ئیسلامی، بەردەم باخچەی شەهید فەرەیدوون عەلی ئەمین.

لە سەنتەری شاری ڕانیە، چوار ئامێری ATM هەن كە كەوتوونەتە ئەو شوێنانە:

- شەقامی پێنجی ئازار، بەرامبەر ناوەندی وەرزش و لاوانی ڕانیە.
- شەقامی ڕانیە - چوارقورنە، نزیك بەڕێوەبەرایەتیی گشتیی شارەوانییەكانی ڕاپەڕین.
- باخچەی ڕاپەڕین.
- بەردەم بەڕێوەبەرایەتیی گشتیی تەندروستیی ڕاپەڕین.

لە شارۆچكەی چەمچەماڵ، دوو ئامێری ڕاكێشانی پارە دانراون كە كەوتوونەتە ئەو شوێنانە:

- نزیك سەرۆكایەتی زانكۆی چەرمۆ.
- نزیك بەرگریی شارستانیی چەمچەماڵ.

لە شارۆچكەی قەڵادزێ، لە باخچەی هیوا، نزیك بەڕێوەبەرایەتیی پەروەردەی پشدەر دانراوە.

- لە چوارقوڕنە، لەبەردەم بەڕێوەبەرایەتی ناحیەی چوارقورنە.
- لە كەلار، لە بەردەم بانكی جیهان.
- لە شارەزوور، لەبەردەم بانكی شارەزوور.