ئاگر لە نەخۆشخانەیەکی منداڵان لە سووریا دەکەوێتەوە

ئاڤا نیوز

سەرلەبەیانیی ئەمڕۆ شەممە ئاگر لە نەخۆشخانەی زانکۆی منداڵان لە دیمەشق کەوتەوە، تیمەکانی ئاگرکوژێنەوە بەپەلە گەیشتنە شوێنی ڕووداوەکە و توانییان کۆنترۆڵی ئاگرەکە بکەن پێش ئەوەی تەشەنە بکات بۆ بەشە گرنگ و هەستیارەکانی نەخۆشخانەکە.

 

لێدوانی فەرمی: دیانا ئەسمەر، بەڕێوەبەری نەخۆشخانەکە لە لێدوانێکدا بە میدیاکانی ڕایگەیاند، ئامێرەکانی هەڵگرتنی منداڵ هیچ زیانێکیان پێنەگەیشتووە و دەستبەجێ چۆڵ کراون بۆ پاراستنی سەلامەتییان. زیانەکان تەنیا سنووردار بوون بە زیانی ماددی لە کۆگای کاغەز و پێداویستییەکاندا.

 

زانیاریی زیاتر: بەگوتەی بەڕێوەبەری نەخۆشخانەکە، ئاگرەکە لە کۆگایەکی تایبەت بە کاغەز و پێداویستییە پزیشکییەکانی ستافی پەرستاری کەوتووەتەوە، هیچ زیانێک بە ئامێرەکانی هەڵگرتنی منداڵان (حاضنات) نەگەیشتووە، چونکە بە خێرایی و یەکسەر دوای سەرهەڵدانی ئاگرەکە چۆڵ کراون، ئەمەش بۆ پاراستنی سەلامەتی نەخۆشەکان و ستافی کارمەندان بووە.