ئاگربەستی غەززە پێی نایە دووەم ڕۆژ

ئاڤا نیوز

دوای ئەوەی هەر یەکە لە بزووتنەوەی حەماس و ئیسرائیل ڕەزامەندییان لەسەر پلانی ترەمپ بۆ ئاشتی لە غەززە دا، دوای پەسەندکردنی پلانەکە لەلایەن کابینەی ئیسرائیلەوە، ڕۆژی هەینی بەفەرمی ئاگربەست لەغەززە کەوتە بواری جێبەجێکردنەوە ئەمڕۆ دووەم ڕۆژی ئاگربەستە.

چیرۆکی سەرەکی: دوای 735 ڕۆژی شەڕ لە کەرتی غەززە، دواجار بە هەوڵەکانی دۆناڵد ترەمپ، سەرۆکی ئەمریکا توانی ئاشتی بۆ غەززە بگەڕێنێتەوە و هەردوو لایەنی حەماس و ئیسرائیل بە ڕێککەوتن ڕازی بکات، لەئەنجامی ئەمەش سەدان هەزار فەلەستینی ڕوویان لە شاری غەززە کردووە بۆ گەڕانەوە بۆ سەر ماڵ و شوێنی نیشتەجێبوونیان سەرەڕای ئەو وێرانکارییەی کە شارەکە تووشی بووە.

زانیاریی زیاتر: ڕۆژی 10ی ئۆکتۆبەری 2025، نووسینگەی بنیامین نەتانیاهۆ سەرۆکوەزیرانی ئیسرائیل ڕایگەیاند، حکومەتی ئیسرائیل ڕەزامەندی داوە لەسەر ئاگربەستی غەززە داوە. 

ئەوەی پێویستە بیزانیت: لە قۆناغی یەکەمی ئاگربەست پێویستە سوپای ئیسرائیل دەست بکات بە کشانەوە لە کەرتی غەززە  72 کاتژمێردا سەرجەم بارمتە زیندوو و مردووەکان ڕادەست دەکرێن لە بەرامبەردا ئیسرائیل لیستی تەواوی ئەو زیندانییانەی فەڵەستینی پێشکەش دەکات، هاوکات ڕۆژانە لە 600 بارهەڵگری یارمەتی مرۆیی و کەلوپەل و سووتەمەنی دەگەیێنرێتە ناو کەرتی غەززە.

ئەمەش بزانە: چاوەڕوان دەکرێت ڕۆژی دووشەممە دۆناڵد ترەمپ سەرۆکی ئەمریکا لە ئیسرائیل بێت و لە بەردەم پەرلەمانی وڵاتەکە وتارێک پێشکەش بکات و چاوی بە خێزانی بارمتەکان بکەوێت. دوای نیوەڕۆی هەمان ڕۆژ دەچێتە میسر و بەشداری لە ڕێوڕەسمی واژۆکردنی ڕێککەوتنی ئاشتی غەززە دەکات