زێلێنسکی بۆ ترەمپ: جەنگی ئۆکراینا ڕابگرە

ئاڤا نیوز

ڤۆڵۆدێمیر زێلێنسکی، سەرۆکی ئۆکرانیا، لە پەیوەندییەکی تەلەفۆنیدا لەگەڵ دۆناڵد ترەمپ، هاوتا ئەمریکییەکەی دەستکەوتەکەی لە ڕۆژهەڵاتی ناوەڕاست بە "ناوازە" وەسف کرد داوای لێکرد، هاوشێوەی غەززە جەنگ لە ئۆکرانیاش ڕابگرێت.

چیرۆکی سەرەکی: هەوڵەکانی ئەمریکا لە مانگی ئەیلوولەوە لەسەر ڕاگرتنی شەڕی غەززە بووە، دەرئەنجام لەژێر پلانی ئاشتی ترەمپ بۆ غەززە توانی هەر یەکە لە حەماس و ئیسرائیل بە ئاگربەست ڕازی بکات، بەهۆی ئەمەشەوە ئێستا سەرۆکی ئۆکرانیا داوا لە سەرۆکی ئەمریکا دەکات شەڕی ئۆکرانیاش ڕابگرێت.

بڵاوکراوەی فەرمی: ڤۆلۆدێمیر زێلێنسکی، سەرۆکی ئۆکرانیا لە ئێکس نووسیوویەتی، پەیوەندییەکی تەلەفۆنیی "ئەرێنی و بەرهەمداری" لەگەڵ دۆناڵد ترەمپ ئەنجامداوە. پیرۆزبایی سەرکەوتنەکەی و ئەو ڕێککەوتنەی ڕۆژهەڵاتی ناوەڕاست کرد ئەمەش دەستکەوتێکی ناوازەیە،هاوکات لە درێژەی قسەکانیدا نووسیوویەتی ئەگەر جەنگێک لە ناوچەیەکدا بووەستێنرێت، بە دڵنیاییەوە جەنگەکانی دیکەش دەتوانرێت بووەستێنرێن، لەوانەش جەنگی ڕووسیا.

لەلایەکی دیکەوە: ترەمپ لە زۆربەی لێدوانەکانیدا جەخت لەوە دەکاتەوە کە پێی وابوو جەنگی ڕووسیا و ئۆکرانیا لەهەمووان ئاسانتر دەبێت کە بتوانێت کۆتایی پیبهێنێت بەهۆی پەیوەندییە باشەکەی لەگەڵ ڤلادێمیر پووتین سەرۆکی ڕووسیا بەڵام تاوەکو ئێستا هەوڵەکان دەرئەنجامی ئەرێنییان بەدەست نەهێناوە.