ئەفغانستان 58 سەربازی پاکستان لەسەر سنووری هەردوو وڵات دەکوژێت

ئاڤا نیوز

گرژی و ناکۆکییەکانی نێوان ئەفغانستان و پاکستان بەردەوامن و پاکستان هەڕەشەی "وەڵامدانەوەی تووند" دەکات، لەدواین ئاماریشدا کە تاوەکو ئێستا ئاشکرا کراوە ئەفغانستان 58 سەربازی پاکستانی کوشتووە. 

ڕاگەیێنراوی فەرمی: شەهباز شەریف، سەرۆکوەزیرانی پاکستان، لە بەیاننامەیەکدا ڕایگەیاند: هیچ سازشێک لەسەر بەرگری پاکستان ناکرێت و بۆ هەموو ئیستفزازییەک وەڵامێکی بەهێز و کاریگەر دەبێت.

زانیاریی زیاتر: پاکستان دەسەڵاتدارانی تاڵیبان لە ئەفغانستان تۆمەتبار دەکات بەوەی ڕێگە بە میلیشیاکانی 'تاڵیبانی پاکستان' دەدات خاکی ئەفغانسان بەکار بهێنن بۆ هێرشکردنە سەر پاکستان.

ئەمەش بزانە: گرژی و پێکدادانەکانی ئەم دواییە نێوان پاکستان و ئەفغانستان کوژراو و برینداری لە هەردوولا لێکەوتووەتەوە. حکومەتی ئەفغانستان ڕایگەیان:د هێزەکانیان 58 سەربازی پاکستانیان لە سەر سنوور کوشتووە. هاوکات نۆ سەربازی ئەفغانستانیش کوژراون.